၂.၄.၂၀၂၅
Translated by Htwe Ko Tun
ရုရှားနိုင်ငံသမ္မတ ဗလာဒီမာ ပူတင်က လာမယ့်မေလအတွင်း ရုရှားနိုင်ငံရဲ့ Victory Day စစ်ချီတက်ပွဲ အခမ်းအနားကိုဂုဏ်ပြုတဲ့အနေနဲ့ တက်ရောက်ဖို့ ရုရှားနိုင်ငံကို လာရောက်ဖို့ရှိတဲ့ တရုတ်ပြည်သူ့ သမ္မတနိုင်ငံ သမ္မတ ရှီကျင့်ဖိန်ကို ထူးကဲကောင်းမွန်ပြီး ကောင်းစွာပြင်ဆင်ထားတဲ့ အစီအစဉ်နဲ့ စောင့်စားနေပါတယ်လို့ မော်စကိုမြို့ကိုရောက်နေတဲ့ တရုတ်နိုင်ငံခြားရေးဝန်ကြီး ဝမ်ယိနဲ့ တွေ့ဆုံရာမှာ ဧပြီလ ၁ ရက်က ပြောခဲ့ပါတယ်။
တရုတ်နိုင်ငံခြားရေးဝန်ကြီး ဝမ်ယိနဲ့ တွေ့ဆုံရာမှာ သမ္မတ ပူတင်က ရှီကို ထူးကဲကောင်းမွန်ပြီး ကောင်းစွာပြင်ဆင်ထားတဲ့ကြိုဆိုရေး အစီအစဉ်နဲ့ စောင့်ဆိုင်းကြိုဆိုမယ်ဆိုတာ အလေးထားပြောခဲ့တာပါ။
ပူတင်က “ ရှီအနေနဲ့ ရုရှားကို တရားဝင်လာရောက်လည်ပတ်မှာဖြစ်ပါတယ်။ သူက ကျွန်တော်တို့ရဲ့ အဓိက ဂုဏ်ပြုဧည့်သည်တော်လည်းဖြစ်ပြီး ကျွန်တော်တို့အနေနဲ့ လက်ရှိ နှစ်နိုင်ငံဆက်ဆံရေးတွေအပေါ် ပြောကြားခွင့်ရကြမှာဖြစ်ပြီး နိုင်ငံစုံပူးပေါင်းဆောင်ရွက်ရေးနယ်ပယ်တွေမှာ ပူးပေါင်းဆောင်ရွက်ကြဖို့ လည်းဆွေးနွေးကြဖို့ အခွင့်အလမ်းတွေရမှာပါ” လို့ ဝမ်ယိကိုပြောခဲ့ပါတယ်။
မော်စကို အောင်ပွဲနေ့ ချီတက်ပွဲလို့လည်းခေါ်ကြတဲ့ Victory Day Parade ဆိုတာ ဒုတိယကမ္ဘာစစ်အတွင်း ဆိုဗီယက်ပြည်ထောင်စုကို လာရောက်တိုက်ခိုက်တဲ့ နာဇီတပ်ဖွဲ့တွေကို ရုရှားတပ်ဖွဲ့တွေက အောင်နိုင်ပြီး ဂျာမန်တပ်ဖွဲ့တွေလက်နက်ချခဲ့တဲ့ မေလ ၉ ရက်မှာ ပြုလုပ်တဲ့ စစ်ရေးပြအခမ်းအနားကို ခေါ်တာဖြစ်ပါတယ်။
Ref- SCMP
