MT News
၁. ၄. ၂၀၂၅
𝐂𝐁-𝐊𝐌𝐀 𝐅𝐨𝐮𝐧𝐝𝐚𝐭𝐢𝐨𝐧 မှ ဦးဆောင်ကာ ငွေကျပ် ၁၀ ဘီလျံတိတိကို ကနဦး မ,တည်ပြီး ငလျင်ဘေးသင့်ဒေသများတွင် ကယ်ဆယ်ရေးနှင့် ပြန်လည်ထူထောင်ရေး လုပ်ငန်းစဉ်များအတွက် ထိထိရောက်ရောက်ဆောင်ရွက်လျက်ရှိသည်ဟု CB ဘဏ်က ယနေ့ ကြေညာသည်။
၂၀၂၅ ခုနှစ်၊ မတ်လ ၂၈ ရက် သောကြာနေ့) တွင် လှုပ်ခတ်ခဲ့သည့် အင်အားပြင်းငလျင်ဒဏ်ကြောင့် မြန်မာနိုင်ငံဒေသအချို့တွင် အသက်အိုးအိမ် စည်းစိမ်နှင့် အခြေခံအဆောက်အအုံများ ပျက်စီးဆုံးရှုံးမှုများစွာ ဖြစ်ပေါ်ခဲ့သည့်အတွက် CB Bank မိသားစုမှ အထူးပင်ဝမ်းနည်းစိတ်မကောင်းဖြစ်ရကြောင်းလည်း ဖော်ပြသည်။
မြေငလျင်ဘေးသင့်ရာဒေသများ၌လည်း CB-KMA Foundation မှ စက်ယန္တရားကြီးများ၊ ကျွမ်းကျင်လုပ်သားများဖြင့် ကယ်ဆယ်ရေးလုပ်ငန်းများကို ဆက်လက်ဆောင်ရွက်လျက်ရှိသလို မတ်လ ၃၀ ရက်နေ့ကလည်း တောင်ငူမြို့ရှိ ထိခိုက်ပျက်စီးသည့် လိုအပ်ရာနေရာများသို့ ကျပ် ၃၈၆ သိန်း လှူဒါန်းပေးခဲ့သည်။
