၁.၄.၂၀၂၅
Translated by Htwe Ko Tun
မြန်မာနိုင်ငံအလယ်ပိုင်းကို ဗဟိုပြုလျက် မတ်လ ၂၈ ရက် မွန်းလွဲ ၁၂ နာရီ ၅၁ မိနစ်က လှုပ်ခတ်သွားခဲ့သော ငလျင်ကြောင့် သေဆုံးဒဏ်ရာရသူဦးရေမှာ နေ့စဉ်နှင့်အမျှမြင့်တက်လျက်ရှိရာ ဧပြီလ ၁ ရက်တွင် သေဆုံးသူဦးရေ ၂၇၁၉ ဦးရှိခဲ့ပြီဖြစ်ကြောင်း နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က ပြောကြားခဲ့သည်။
ငလျင်ကြောင့် အသေအပျောက်အများဆုံးဟုဆိုရမည့် စစ်ကိုင်းမြို့တွင် ရှာဖွေကယ်ဆယ်မှုများ ဧပြီလ ၁ ရက်မှစ၍ လုပ်ဆောင်ဆဲဖြစ်ကာ နေပြည်တော်နှင့် မန္တလေးမြို့တို့တွင် အဆောက်အအုံအပျက်အစီးများအောက် သေဆုံးနေသူများ ရှိနေနိုင်သေးရာ သေဆုံးသူဦးရေမှာ မကြာမီ ၃,၀၀၀ ကျော်သွားနိုင်ကြောင်း ခန့်မှန်းရသည်။
နိုင်ငံသို့ပြောကြားသော ရုပ်မြင်သံကြားမိန့်ခွန်းတစ်ရပ်တွင် ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က ငလျင်ကြောင့် ဒဏ်ရာရသူ ၄,၅၂၁ ဦးနှင့် ပျောက်ဆုံးနေသူ ၄၄၁ ဦး ရှိကြောင်းလည်းပြောခဲ့သည်။
နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်၏ ဖိတ်ကြားမှုအရ ရှာဖွေကယ်ဆယ်ရးလုပ်ငန်းများတွင် ယခုအခါ ပြည်တွင်းမှသာမက ပြည်ပနိုင်ငံများကပါပူးပေါင်းဆောင်ရွက်လျက်ရှိသည်။
Ref- bbc
