၁. ၄. ၂၀၂၅
Written by Nay Moe
ဒီနေ့မနက်ပိုင်းက ရှမ်းပြည်နယ်၊ ကွတ်ခိုင်မြို့မှာ ငလျင်ဘေး ကယ်ဆယ်ရေးအလှူငွေကောက်ခံနေတဲ့ တရုတ်ကိုးကန့် MNDAA လက်နက်ကိုင်အဖွဲ့ကို တအာန်းလက်နက်ကိုင် TNLA အဖွဲ့က လာရောက်ပြီး အလှူခံမဏ္ဍပ် ပိတ်ခိုင်းရာက ရိုက်နှက်ပွဲဖြစ်ပွားခဲ့တယ်လို့ ကနဦးသိရပါတယ်။
ဖြစ်စဥ်က ဒီမနက်မှာ MNDAA လက်နက်ကိုင်တွေဟာ စစ်ကိုင်းငလျင်ဘေးကူညီဖို့ ကွတ်ခိုင်စျေးရှေ့မှာ မနက်ခင်းအချိန် မဏ္ဍပ်ထိုးပြီး MNDAA လက်နက်ကိုင်တွေနဲ့ သူတို့လူတွေ တန်းစီလှူနေချိန် TNLA ရဲတွေရောက်လာပြီး အာဏာသုံး မဏ္ဍပ်ပိတ်ခိုင်းရာကနေ ရိုက်နှက်မှုဖြစ်ခဲ့တာပါ။
လူမှုကွန်ရက်ပေါ်တက်လာတဲ့ ရုပ်သံဖိုင်တွေမှာ KIO/KIA ကိုပါ ဖမ်းဆီးတိုက်ခိုက်နေတဲ့ TNLA လက်နက်ကိုင်တွေက အနည်းစုဖြစ်ပြီး MNDAA လက်နက်ကိုင်တွေက အင်အားများသလို TNLA လက်နက်ကိုင်တချို့က ရန်ပွဲထဲမပါတာကြောင့် အင်အားနည်းတဲ့ TNLA လက်နက်ကိုင်တွေ MNDAA ရဲ့ ရိုက်နှက်မှုကို ခံနေရတာ တွေ့ရပါတယ်။ (Credit – Kachin Heroe)
