၁. ၄. ၂၀၂၅
Written by Thettant
မတ်လ ၂၈ ရက်က လှုပ်ခတ်ခဲ့တဲ့ ငလျင်ဘေးကြောင့် မန္တလေးမြို့၊ မစိုးရိမ်တိုက်သစ်က သံဃာ ၂၁ ပါး ပျံလွန်ခဲ့ရရှာပြီး ၄၅ ပါး ဒဏ်ရာရခဲ့တယ်လို့ သိရပါတယ်။
ငလျင်ဘေးကြောင့် သံဃာပေါင်း ၂၅၀၀ ကျော် သီတင်းသုံးနေတဲ့ မစိုးရိမ်တိုက်သစ်မှာ နာရီစင်ကြီးပြိုလဲသွားခဲ့သလို ဓမ္မရက္ခိတငါးထပ်ကျောင်းကြီးလည်း ပြိုကျသွားတဲ့အပြင် ကျန်တဲ့ကျောင်းဆောင်တွေလည်း ကွဲအက်ကုန်တာကြောင့် နေထိုင်ဖို့ မသင့်တဲ့အခြေအနေ ရောက်နေရပြီဖြစ်ပါတယ်။
လက်ရှိမှာတော့ ပျံလွန်တဲ့သံဃာတစ်ပါး ကျပ်သိန်း ၂၀ ဒဏ်ရာရသံဃာတစ်ပါး ကျပ် ၁၅ သိန်း လှူဒါန်းကူညီဖို့ လုပ်ဆောင်ထားတယ်လို့ သိရသလို ပျံလွန်တဲ့သံဃာ၊ ဒဏ်ရာရတဲ့သံဃာနဲ့ ပြိုကျတဲ့ ကျောင်းတွေအတွက် လှူဒါန်းချင်တယ်ဆို အရှင်ဣန္ဒကာဘိဝံသ၊ ၀၉၂၆၂၆၂၆၂၄၀၊ အရှင်ပညိန္ဒာဘိဝံသ၊ ၀၉၇၉၇၅၂၈၄၀၀၊ အရှင်သောဘိတာဘိဝံသ၊ ၀၉၄၃၀၂၀၂၉၂၊ အရှင်ဝါယမိန္ဒာလင်္ကာရ၊ ၀၉၂၆၄၄၄၅၉၀၀၊ အရှင်တိက္ခိန္ဒြိယာဘိဝံသ၊ ၀၉၇၆၉၀၀၄၃၀၀ တို့ရဲ့ K Pay တွေကို ဆက်သွယ်နိုင်တယ်လို့ မစိုးရိမ်တိုက်သစ် လတ်တလောသတင်းများ Page က ဖော်ပြထားပြီး လာရောက်လှူဒါန်းလိုတယ်ဆို ဓမ္မဝိမုတ္တိရသကျောင်းရှေ့မှာ လှူဒါန်းနိုင်ကြောင်း သိရပါတယ်။
