၃၁.၃.၂၀၂၅
Written By Thandar
သဘာဝ ငလျင်ဘေးအန္တရာယ်ရဲ့ အကျိုးဆက်ကို ခံစားနေရတဲ့ စစ်ကိုင်းဘက်ကို ရုပ်ရှင်သရုပ်ဆောင် နေမင်း၊အဆိုတော် ဖြိုးမြတ်အောင်တို့နဲ့ စေတနာရှင်တွေက ကျပ်သိန်း ၂၂၀ နဲ့အတူ အသုံးအဆောင်နဲ့ ဆေးဝါးတွေကို မနက်ဖြန် ဧပြီ ၁ ရက်မှာ သွားရောက်လှူဒါန်းမယ်လို့ သိရပါတယ်။
“သဘာဝ ငလျင်ဘေးအန္တရာယ်ရဲ့ အကျိုးဆက်ကို ခံစားနေရသူများဆီကို တကယ်လိုအပ်တဲ့ နေရာတွေကို သွားလှူမှာပါ။ ဆေးဝါးတွေ အဓိကလိုအပ်တယ်လို့ သိရတယ်။ ကျွန်တော်တို့ မနက်ဖြန် စစ်ကိုင်းဘက်ကိုသွားကြမှာ ဖြစ်တဲ့အတွက် မြေပြင်မှာ တခြားလိုအပ်နေတာလေးတွေ ပြင်ဆင်နေပါတယ်” လို့ အဆိုတော်ဖြိုးမြတ်အောင်က ပြောပါတယ်။
အဆိုပါ ငလျှင်ဘေး အန္တရာယ်ရဲ့ အကျိုးဆက်ကို ခံစားနေရသူများဆီကို ရုပ်ရှင်သရုပ်ဆောင် နေမင်း၊ အဆိုတော် ဖြိုးမြတ်အောင် ၊ ဦးကျော်+အန်တီခိုင်နဲ့အတူ ကသစ်ဦး စားသောက်ကုန်လုပ်ငန်းတို့က မ,တည်ငွေ သိန်း ၂၂၀ နဲ့အတူ (ကံသာ Production)က လိုအပ်တဲ့ အသုံးအဆောင်ပစ္စည်းတွေနဲ့ဆေးဝါးတွေကို လှူဒါန်းဖို့ မနက်ဖြန် ဧပြီ ၁ ရက်နေ့ စတင်ထွက်ခွာမှာဖြစ်တယ်လို့ သိရပါတယ်။
ဖြိုးမြတ်အောင်ကတော့ ငလျင်ကြောင့် စိတ်သောကရောက်နေချိန်မှာ လက်ရှိရက်ပိုင်းအတွင်း လက်ခံထားတဲ့ ပွဲတွေအကုန်လုံးကို ရပ်ဆိုင်းထားတာလည်းဖြစ်ပါတယ်။
