၂၀ . ၁. ၂၀၂၃
Written By Thandar
မောင်လေးစားကို သဘောကျပြီး ပရိသတ်အားပေးမူကြောင့် “ကိုကြီးစား” သီချင်းထွက်လာရင် ဘယ်လို ဂယက်ရိုက်ဦးမလဲမသိဘူးလို့ တေးသံရှင်လှယမင်းအိမ်@KATE က MT News Entertainment ကို ပြောပါ တယ်။
“ဒီသီချင်းရဲ့ ထူးခြားချက်က ပရိသတ်က မောင်လေးစားမှာ အရမ်းဟော့ဖြစ်သွားတော့ ကိုကြီးတွေကရော မစားရတော့ဘူးလားလို့ မေးလာကြတယ်လေ။ ဘာဖြစ်တယ် ညာဖြစ်တယ်ဆိုပြီး တောင်းဆိုနေတာနဲ့ ကိုကြီးတွေအတွက် သီချင်းလေးလုပ်ပေးဖြစ်သွားတာပါ။ ဒီသီချင်းလေး ထွက်လာရင်လည်း ဘယ်လိုဂယက် ရိုက်ဦးမလဲ မသိသေးဘူးပေါ့။ အကောင်းဆုံးတော့။ ရှိရင်လည်း ဖျော်ဖြေမှုတစ်ခုလိုပဲ သဘောထားပြီးတော့ ကြည့်ပေးပါ” လို့ တေးသံရှင် လှယမင်းအိမ်က ပြောပါတယ်။
ကိုကြီးစား သီချင်းလေးကို လှယမင်းအိမ်နဲ့အတူ တေးရေး မိုးအာကာဝင်းက ပါဝင်ကူညီအားဖြည့်ရေးထားပြီး တော့ Hip Hop အမျိုးအစားလေးဖြစ်တယ်လို့ သိရပါတယ်။
ဒါရိုက်တာ ရဲဇာနည်(The Next Production) နဲ့အတူ သရုပ်ဆောင်တွေဖြစ်တဲ့ Zell၊ လှယမင်းအိမ်@KATE၊ ညီညီမောင်(စမ်းချောင်း)၊ Dolia နဲ့ San San တို့ကို ပါ၀င်ရိုက်ကူးသရုပ်ဆောင်ထားကြပြီး လာမယ့် ဇန်နဝါရီ ၂၂ ရက်နဲ့ ၂၃ ရက်လောက်မှာ ထွက်လာမယ်လို့ သိရပါတယ်။
“ဒီသီချင်းစာသားမှာတော့ ကိုရီးယားလိုမပါတော့ဘူး။ ပရိသတ်တွေက ပြောနေတာ ကိုရီးယားလိုကျ နားမလည်ဘူးဆိုတော့ ဒီသီချင်းတစ်ပုဒ်ကိုတော့ မြန်မာလိုသီးသန့်ပဲ ရေးထားပါတယ်။ ပရိသတ်တွေ အရမ်းတောင်းဆိုထားတဲ့ သီချင်းဆိုတော့ ပရိသတ်အကြိုက်တွေ့မယ်လို့လည်း မျှော်လင့်ထားပါတယ်”လို့ သူမက ဆက်ပြောပါတယ်။
