MT News
၄.၃. ၂၀၂၅
မြန်မာနိုင်ငံ၏ စီးပွားရေးကဏ္ဍကို အထောက်အပံ့ပေးနိုင်မည့် အသေးစားအဏုမြူဓာတ်အားပေးစက်ရုံဆောက်လုပ်ရေးအတွက် SAC ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်နှင့် ရုရှားသမ္မတ ဗလာဒီမာ ပူတင်တို့ ယနေ့တွေ့ဆုံပွဲတွင် သဘောတူလက်မှတ်ရေးထိုးခဲ့ကြောင်း သိရသည်။
“မြန်မာနိုင်ငံမှာ အသေးစား အဏုမြူဓာတ်အားပေးစက်ရုံဆောက်လုပ်ရေးနဲ့ ပတ်သက်ပြီး သဘောတူချက် ချုပ်ဆိုခဲ့ပါတယ်။ အဲဒါကြောင့် မြန်မာနိုင်ငံရဲ့ စီးပွားရေးကဏ္ဍအတွက် လျှပ်စစ်ဓာတ်အား ပေါပေါများများ ပေးနိုင်ပါမယ်” ဟု လက်မှတ်ရေးထိုးပွဲတွင် ရုရှားသမ္မတပူတင်က ပြောကြားခဲ့သည်။
ရုရှားသတင်းဌာနများမှ ကနဦးဖော်ပြချက်အရ SAC ဥက္ကဋ္ဌ၏ ခရီးစဥ်အတွင်း အသေးစားအဏုမြူဓာတ်အားပေးစက်ရုံစီမံကိန်းတည်ဆောက်ရေးအပြင် ပညာရေးကဏ္ဍ၌ နှစ်နိုင်ငံအကြား ဒီပလိုမာများနှင့် ပညာရပ်ဆိုင်ရာဘွဲ့များ အပြန်အလှန်အသိအမှတ်ပြုရေး၊ အဏုမြူနှင့် ဓာတ်ရောင်ခြည်ဘေးအန္တရာယ်ကင်းရှင်းရေးနယ်ပယ်တွင် ပူးပေါင်းဆောင်ရွက်ရေး အစရှိသည့် MOU ဆယ်ခုကို လက်မှတ်ရေးထိုးသွားမည်ဖြစ်သည်။
Photo – RIA
