
၄.၃.၂၀၂၅
Written By Thandar
ဇာတ်လမ်းဇာတ်အိမ်ဆန်းတဲ့ပုံစံနဲ့ ပုံဖော်ထားတဲ့ “သွေးမြစ် ” ရုပ်ရှင်ဇာတ်ကားကြီး Family Show ပွဲအခမ်းအနားကို မတ်လ ၃ရက် ညနေ ၅ နာရီက ရန်ကုန်မြို့Time City ရှိ Mega Ace ရုပ်ရှင်ရုံမှာ ကျင်းပခဲ့ပါတယ်။



“ဒီဇာတ်ကားကတော့ ထွန်းထွန်းက လွန်ခဲ့တဲ့ ၄ နှစ်က ဇာတ်ကားရိုက်ကူးနားပြီး ပြန်ရိုက်ထားတဲ့ ဇာတ်ကားပါ။ ကျန်တာက မျက်နှာသစ်တွေ ဒေသခံတွေနဲ့ရိုက်ထားတဲ့ ကားပါ။ လူတို့ရဲ့ ရက်စက်ကြမ်းကြုတ်မှု၊ တဏှာ၊ လောဘရမ္မက်နဲ့ အချစ်ကြီးမှု၊ သစ္စာတရားတို့နဲ့ ဇာတ်အိမ်တည်ထားတာလည်းဖြစ်ပါတယ်။ သွေးထွက်သံယိုပြကွက်တွေပါဝင်တာမို့ ၁၃ နှစ်အောက် ကလေးသူငယ်တွေ ကြည့်ရှု့ဖို့မသင့်တဲ့ကားလို့ သတ်မှတ်ထားပါတယ်”လို့ ဒါရိုက်တာ အောင်ချမ်းလူက ပြောပါတယ်။
ဒါရိုက်တာ အောင်ချမ်းလူက သရုပ်ဆောင်တွေအနေနဲ့ အကယ်ဒမီ ထွန်းထွန်း၊ မေရီမျိုး၊ စွန်ပလွန်မန်နီး၊ ကျော်ဇေယျ စတဲ့သူတွေနဲ့ ၂၀၂၃ ခုနှစ်လောက်က ရိုက်ကူးပုံဖော်ထားတာလည်းဖြစ်ပါတယ်။
“သွေးမြစ်” ရုပ်ရှင်ဇာတ်ကားကြီးကို လာမယ့် မတ်လ ၇ ရက်မှာ မြန်မာတစ်ပြည်လုံးရှိ ရုပ်ရှင်ရုံတွေမှာ ရုံတင်ပြသမှာလည်းဖြစ်ပါတယ်။