၂၈.၂.၂၀၂၅
Written By Thandar
Beauty Blogger မင်းသမီး နေခြည်ဦးကတော့ ခင်ပွန်းအတွက် မွေးနေ့လက်ဆောင်အနေနဲ့ ပထမဦးဆုံး ရင်သွေးလေးပေးလိုက်တယ်လို့ ပရိသတ်ကို အသိပေးလာပါတယ်။
“ခင်ပွန်း ကိုကျော်စွာဟိန်းအတွက် မွေးနေ့လက်ဆောင်အနေနဲ့ ရင်သွေးလေး လွယ်ပေးလိုက်တယ်။ ခင်ပွန်းသာအလိုရှိတယ်ဆိုရင် ကလေးလည်းမွေးပေးမယ်လို့ အင်တာဗျူးတွေမှာ ဖြေဆိုခဲ့တဲ့အတိုင်းပါပဲ။ ကိုယ်ဝန်လေးလွယ်ပေးလိုက်တာပါ” လို့ သရုပ်ဆောင် နေခြည်ဦးက ရင်ဖွင့်လာပါတယ်။
ကိုကျော်စွာဟိန်း နဲ့ Beauty Blogger သရုပ်ဆောင် နေခြည်ဦးတို့ရဲ့ စုလျားရစ်ပတ် ထိမ်းမြားမင်္ဂလာပွဲကို ၂၀၂၄ ခုနှစ် ဒီဇင်ဘာလ ၁၄ ရက်နေ့က ရန်ကုန်မြို့ Yangon Convention Center ခန်းမမှာ ခမ်းနားကြီးကျယ်စွာ ကျင်းပခဲ့ပါတယ်။
ထိုင်းမိတ်ကပ်အနုပညာရှင်တွေနဲ့ ခေါ်ကာ ပြင်ဆင်ခြယ်သခဲ့ပြီး လူစိတ်ဝင်စားမှုတွေများစွာရရှိခဲ့တဲ့ မင်္ဂလာပွဲတစ်ခုလည်းဖြစ်ပါတယ်။
ယခု ၂၀၂၅ ဖေဖော်ဝါရီလမှာတော့ သူမက ရင်သွေးလေးကိုလွယ်ထားရပြီပဲဖြစ်ပါတယ်။ လက်ထပ်ပြီး ၂လ အကြာမှာ ပထမဆုံး ရင်သွေးလေးကို လွယ်ထားရတာလည်းဖြစ်ပါတယ်။
Beauty Blogger နေခြည်ဦးဟာ မင်္ဂလာဆောင်ပြီးကတည်းက အနုပညာအလုပ်တွေကို ရပ်နားထားပြီး စီးပွားရေးလုပ်ငန်းတွေကို လုပ်ကိုင်နေလျက်ရှိသူလည်းဖြစ်ပါတယ်။
