၂၆.၂.၂၀၂၅
Written By Thandar

Love 2 Production က ထုတ်လုပ်တဲ့ ပျော်ရွှင်ရယ်မောရမယ့် “လစ်ကြီးများ” ရုပ်ရှင်ဇာတ်ကားကြီး Premiere Show ပွဲကို ဖေဖော်ဝါရီ ၂၅ ရက် ညနေပိုင်းက ရန်ကုန်မြို့ သမ္မတရုပ်ရှင်ရုံမှာ ကျင်းပခဲ့ပါတယ်။

“ဟာသပညာပေး ဇာတ်လမ်း‌ပါ။ ဇာတ်ကားရဲ့ နာမည်ပေးထားတဲ့အတိုင်းပဲ ကာရိုက်တာမျိုးစုံနဲ့ လစ်ကြမှာပါ။ ဘယ်လိုလစ်လဲဆိုတာကိုတော့ ပရိသတ်တွေ လာရောက်ကြည့်ရှုစေချင်ပါတယ်။ နေဝင်းက ကျွန်တော်နဲ့ ဟာသရိုက်တဲ့ကားဆိုရင်တော့ ၂ ကားရှိပါပြီ။ သူလည်း ဟာသပိုင်းကို တော်တော်လေး လုပ်နိုင်တယ်လို့ ပြောလို့ရပါတယ်။ ဟာသရုပ်ရှင်ဇာတ်ကား ကြိုက်နှစ်သက်သူတွေအတွက် သဘောကျမယ့် ဇာတ်ကားပါ” လို့ ဒါရိုက်တာစိုးမိုးမင်းက MT Entertainment ကို ပြောပါတယ်။

ဒီဇာတ်ကားရဲ့ ဇာတ်လမ်းနဲ့ ဇာတ်ညွှန်းကို ဒီဒီထက်အောင်က ရေးသားပြီးတော့ DOP မင်းမင်းကျော်၊ ဒါရိုက်တာ စိုးမိုးမင်းက သရုပ်ဆောင် အကယ်ဒမီ နေဝင်း၊ အကယ်ဒမီမေမြင့်မိုရ်၊ မင်းဟိဏ်း၊ ခင်လှိုင်၊ ဂျိုကာ၊ တေဇလင်းရောင်၊ လင်းလင်း၊ မီကိုခန့်၊ ဆင်မ၊ မင်းသူ၊ ဇော်ဝင်းနိုင်၊ ဇော်ဝင်းမောင်၊ ဦးဝင်းမြိုင်၊ သွက်လက်၊ ဒဲဒိုး၊ စူပါလင်း စတဲ့သူတွေနဲ့ ရိုက်ကူး ပါဝင်သရုပ်ဆောင်ထားကြပါတယ်။

“လစ်ကြီးများ”ရုပ်ရှင်ဇာတ်ကားကြီးကို လာမယ့် ဖေဖော်ဝါရီလ၂၈ ရက်နေ့မှစပြီး တစ်ပြည်လုံးရုံတင်ပြသမှာ ဖြစ်ပါတယ်။

#အကယ်ဒမီနေဝင်း #အကယ်ဒမီမေမြင့်မိုရ်

#မင်းဟိဏ်း #ခင်လှိုင် #ဂျိုကာ #တေဇလင်းရောင် #လင်းလင်း #မီကိုခန့် #ဆင်မ #မင်းသူ

#ဇော်ဝင်းနိုင်_မန်း #သွက်လက် #စူပါလင်း

#လစ်ကြီးများရုပ်ရှင်ဇာတ်ကားကြီး

တင်ပေးပါ