၂၂. ၂. ၂၀၂၅
Written by MMAK
အဲဗာတန် Vs မန်ယူ
အဲဗာတန်အသင်းက ခြေစွမ်းအတက်ဘက်ကို ရောက်နေပြီး နောက်ဆုံးငါးပွဲမှာ လီဗာပူးအသင်းကို သရေကစားနိုင်ခဲ့ပြီး ကျန်တဲ့လေးပွဲလုံးကို အနိုင်ရထားပါတယ်။ ဒီအခြေအနေတွေကြောင့် အိမ်ရှင်အဲဗာတန်အသင်းက ဘော်ဒီကြေး ပြားနှစ်ဆယ်အရှုံးပေါက်နေပြီး ဂိုးပေါင်းကြေးက နှစ်လုံးလေးဆယ်အရှုံး ဖြစ်ပါတယ်။ မန်ယူအသင်းရဲ့ ခြေစွမ်းကို ကြည့်မယ်ဆိုရင် နောက်ဆုံးလေးပွဲမှာ တစ်ပွဲသာ အနိုင်ရထားပြီး သုံးပွဲအထိ ရှုံးနိမ့်ခဲ့တာကြောင့် ယုံကြည်ဖို့ရာ ခက်ခဲတဲ့ အခြေအနေဖြစ်ပါတယ်။ အဲဗာတန်ကွင်းမှာ လီဗာပူးနဲ့ စပါးအသင်းတို့တောင် အနိုင်မရခဲ့တာကြောင့် ခြေစွမ်းအကျဘက်ရောက်နေတဲ့ မန်ယူအသင်းအနေနဲ့ အနိုင်ရသွားဖို့ခက်ပါတယ်။ မန်ယူအသင်းက ဥရောပဝင်ခွင့်မရတော့သလို တန်းဆင်းရဖို့လည်း မဖြစ်နိုင်တော့တဲ့ ဒီရာသီမှာ ဘယ်အသင်းနဲ့ကန်ကန် မန်ယူပဲ လောင်းမယ်ဆိုတဲ့ ထိုးသားတွေအတွက် သတိထားစရာ ဖြစ်ပါတယ်။ အထက်ကြေးပေါက်နေတဲ့ အိမ်ရှင်အဲဗာတန်အသင်း သရေနဲ့ အနိုင် တစ်ခုခု ဖြစ်နိုင်တာကြောင့် ပြားနှစ်ဆယ်ရင်းပြီး အဲဗာတန်ဘော်ဒီကို ရွေးချယ်ပေးချင်ပါတယ်။
အာဆင်နယ် Vs ဝက်စ်ဟမ်း
လန်ဒန်ဒါဘီပွဲဖြစ်တာကြောင့် ပြိုင်ဆိုင်မှုပြင်းထန်ဦးမဲ့ ပွဲစဥ်တစ်ပွဲဖြစ်ပါတယ်။ ဝက်စ်ဟမ်းအသင်းအနေနဲ့ ဥရောပ ဝင်ခွင့်တစ်နေရာရဖို့ မဖြစ်နိုင်တော့သလို တန်းဆင်းဖို့ရာလည်း မဖြစ်နိုင်တော့တဲ့ အခြေအနေဖြစ်ပေမဲ့ ပရီးမီးယားလိဂ်ဖလား ပစ်မှတ်ထားနေတဲ့ အာဆင်နယ်အသင်းအတွက်ကတော့ အနိုင်ရဖို့ လိုအပ်နေပါတယ်။ ကြားရက်မှာ ကစားခဲ့တဲ့ပွဲစဥ်မှာ ထိပ်ဆုံးက လီဗာပူးအသင်း သရေကျခဲ့တာကြောင့် အခုပွဲမှာ အာဆင်နယ်အသင်းအနိုင်ရခဲ့မယ်ဆိုရင် ခုနစ်မှတ်အကွာကနေ လေးမှတ်သာ ကွာဟတော့မှာ ဖြစ်ပါတယ်။ အာဆင်နယ်တိုက်စစ်မှာ အဓိက ကစားသမားတွေ မပါနိုင်ပေမဲ့ ဘော်ဒီကြေး တစ်လုံးအရှုံးပေးထားပြီး ဂိုးပေါင်းကြေး သုံးလုံးငါးဆယ်စား ပေါက်နေပါတယ်။ အာဆင်နယ်အသင်းရဲ့ ကွင်းလယ်နဲ့ နောက်တန်းက အကောင်းဆုံးအခြေအနေမှာ ရှိနေတဲ့အတွက် ဝက်စ်ဟမ်းအသင်း ဂိုးရဖို့ ခက်ခဲနိုင်သလို ဂိုးပေါင်းကြေးကလည်း ဂိုးပေါ်ဖြစ်နိုင်တဲ့ ပေါက်ကြေးမဟုတ်ပါဘူး။ လူမစုံတဲ့ အာဆင်နယ်တိုက်စစ်က ဂိုးတွေအများကြီး သွင်းနိုင်ဖို့ မလွယ်သလို ဝက်စ်ဟမ်းအသင်းလည်း တစ်ဂိုးရဖို့တောင် ခက်ခဲနိုင်တာကြောင့် ဂိုးအောက်ကစားဖို့ ရွေးချယ်ပေးချင်ပါတယ်။ အာဆင်နယ်အသင်း တစ်ဂိုးအသာလောက်နဲ့ ကပ်နိုင်သွားပြီး ဂိုးပေါင်းအောက်သွားမယ် ထင်ပါတယ်။
အစ်ဆွချ် Vs စပါး
စပါးအသင်းအနေနဲ့ ဥရောပဝင်ခွင့်တစ်နေရာကို ဝင်ရောက်နိုင်ဖို့ မလွယ်ကူတော့တဲ့ အခြေအနေဖြစ်ပေမဲ့ အစ်ဆွချ်အသင်းအနေနဲ့က တန်းဆင်းဇုန် ရုန်းနေရပါတယ်။ ပထမအကျော့ စပါးအသင်းရဲ့ အိမ်ကွင်းမှာ ကစားခဲ့တုန်းက အစ်ဆွချ်အသင်းက အနိုင်ရသွားပြီး အစ်ဆွချ်အသင်းအတွက် ပထမဆုံးနိုင်ပွဲ ရရှိခဲ့တာ ဖြစ်ပါတယ်။ အစ်ဆွချ်အသင်းက အိမ်ကွင်းကစားခဲ့ရတဲ့ နောက်ဆုံးသုံးပွဲဆက် ရှုံးနိမ့်ခဲ့တာကြောင့် အခုအိမ်ကွင်းပွဲမှာ ထပ်မရှုံးနိုင်တော့ဘူးလို့ ထင်ပါတယ်။ ဒီပွဲစဥ်မှာ စပါးအသင်းက သရေအရှုံးပေးထားပြီး ဂိုးပေါင်းကြေး သုံးလုံးသရေ ဖြစ်ပါတယ်။ စပါးအသင်းမှာ ဒဏ်ရာရကစားသမားတွေ များပြားနေသလို အမှတ်မလိုတော့တဲ့ အခြေအနေမှာ စပါးအသင်းကို မကြိုက်ပါဘူး။ တန်းဆင်းဇုန်ရုန်းနေတဲ့ အိမ်ရှင်အစ်ဆွချ်အသင်း သရေကျအောင် ကစားနိုင်တယ်လို့ ယူဆထားပြီး သရေကျရင် ကြေးအပြည့်စားရမှာ ဖြစ်တာကြောင့် အစ်ဆွချ်ဘော်ဒီကို ရွေးချယ်ပေးချင်ပါတယ်။
ဘုန်းမောက် Vs ဝုဗ်
နောက်ဆုံးဆယ့်ငါးပွဲမှာ လီဗာပူးတစ်သင်းတည်းကိုသာ ရှုံးနိမ့်ခဲ့တဲ့ ဘုန်းမောက်အသင်းရဲ့ ခြေစွမ်းက ကောင်းလွန်းနေပါတယ်။ အဆင့်ငါးနေရာမှာ ရပ်တည်နေတဲ့ ဘုန်းမောက်အသင်းအနေနဲ့ ဒီရာသီမှာ ဥရောပဝင်ခွင့်တစ်နေရာရဖို့အတွက် ကြိုးစားလာနိုင်တဲ့ အခြေအနေဖြစ်ပါတယ်။ တန်းဆင်းဇုန်အထက်က ဝုဗ်အသင်းကလည်း အသည်းအသန်ရုန်းကန်နေရပြီး ဒဏ်ရာရကစားသမား ကိုးယောက်လောက်ထိ ရှိနေတာကြောင့် ပိုမိုရုန်းကန်နေရပါတယ်။ ဒီပွဲစဥ်မှာ အိမ်ရှင်ဘုန်းမောက်အသင်းက ဘော်ဒီကြေး တစ်လုံးတစ်ဆယ်စား ပေးထားပြီး ဂိုးပေါင်းကြေး သုံးလုံးသရေ ဖြစ်ပါတယ်။ ပထမအကျော့ ဝုဗ်ကွင်းမှာ ကစားခဲ့တုန်းက ဘော်ဒီကြေးက ဒဲ့ပေါက်ခဲ့ပေမဲ့ အခုပွဲစဥ်မှာ တစ်လုံးသရေပေးထားတဲ့ ဘုန်းမောက်အသင်းရဲ့ ဘော်ဒီကြေးက အရမ်းပြင်းရှနေပြီး ခြေစွမ်းကောင်းနေတဲ့ ဘုန်းမောက်အသင်း အနိမ့်ဆုံး တစ်ဂိုးအသာလောက်နဲ့ အနိုင်ရသွားနိုင်ပါတယ်။ ဒီအတွက်ကြောင့် အိမ်ရှင်ဘုန်းမောက်အသင်းကိုပဲ ရွေးချယ်ရမှာ ဖြစ်ပါတယ်။
ဖူဟမ် Vs ခရစ္စတယ်ပဲလေ့စ်
လန်ဒန်ဒါဘီပွဲစဥ်တစ်ခုဖြစ်ပြီး ခြေစွမ်းသိပ်မကွာတဲ့ အလယ်အလတ်အသင်းတွေ ဖြစ်ပါတယ်။ အဆင့်ရှစ်မှာ ရပ်တည်နေတဲ့ ဖူဟမ်အသင်းအနေနဲ့ ဥရောပဝင်ခွင့်နေရာနဲ့ လေးမှတ်သာ ကွာဟတာကြောင့် ကြိုးစားပိုင်ခွင့် ရှိနေပါတယ်။ ပဲလေ့စ်အသင်းမှာ လူပြန်စုံနေပြီး အဝေးကွင်းပွဲစဥ်တွေမှာဆိုရင် ရလဒ်ပိုကောင်းအောင် ကစားနိုင်တာ တွေ့ရသလို နောက်ဆုံးကစားခဲ့တဲ့
အဝေးကွင်းလေးပွဲလုံး ပေးဂိုးလုံးဝမရှိထားဘဲ သုံးပွဲနိုင်ကာ တစ်ပွဲသရေ ကစားနိုင်ခဲ့ပါတယ်။ ဒီပွဲစဥ်မှာ အိမ်ရှင်ဖူဟမ်အသင်းက ဘော်ဒီကြေး ပြားခုနစ်ဆယ်အရှုံးပေးထားပြီး ဂိုးပေါင်းကြေး နှစ်လုံးရှစ်ဆယ်အရှုံးဖြစ်ပါတယ်။ ဘော်ဒီကြေးနဲ့ ဂိုးပေါင်းကြေးက စုံပေါ်အောင်ဖို့ မလွယ်ကူတဲ့ ပေါက်ကြေးမျိုးဖြစ်ပြီး အောက်ကြေးတစ်ခုခု အနိုင်ရသွားနိုင်တဲ့ ပေါက်ကြေးဖြစ်ပါတယ်။ အောက်ကြေးတစ်ခုကို ရွေးရမယ်ဆိုရင် ဂိုးပေါင်းအောက်ကို ပိုကြိုက်ပါတယ်။ ပဲလေ့စ်အသင်းရဲ့ ခံစစ်ကောင်းမွန်မှုကြောင့် ဂိုးပေါင်းအောက် ရွေးချယ်သင့်သလို ဒီနှစ်သင်းထိပ်တိုက်တွေ့ဆုံမှုတွေမှာ ဂိုးပေါင်းအောက်က ပိုများနေတာကြောင့် ဂိုးပေါင်းအောက်ကို ပိုကြိုက်ပါတယ်။
ဆောက်သမ်ပ်တန် Vs ဘရိုက်တန်
ကိုးမှတ်သာ ရထားတဲ့ အမှတ်ပေးဇယားအောက်ဆုံးက ဆောက်သမ်ပ်တန်အသင်းက ရမှတ်တွေ အသည်း အသန်လိုအပ်နေတာကြောင့် ပွဲစဥ်တိုင်းကို တိုက်စစ်ဖွင့်ကစားနေပြီး နောက်ဆုံးခုနစ်ပွဲဆက် ဂိုးပေါ်ထားပါတယ်။ ဘရိုက်တန်အသင်းကတော့ ချဲလ်ဆီးအသင်းနဲ့ နှစ်ကြိမ်ဆက်ကစားခဲ့ရပြီး ဖလားပွဲမှာ အနိုင်ရခဲ့သလို အမှတ်ပေးပွဲမှာလည်း အနိုင်ရခဲ့ပါတယ်။ အခုပွဲစဥ်မှာ ဘရိုက်တန်အသင်းက ဘော်ဒီကြေး တစ်လုံးနှစ်ဆယ်အရှုံးပေးထားပြီး ဂိုးပေါင်းကြေး သုံးလုံးသရေ ဖြစ်ပါတယ်။ ပထမအကျော့မှာတုန်းက ဘော်ဒီကြေး တစ်လုံးငါးဆယ်အရှုံးလောက်သာ ပေးခဲ့ပေမဲ့ အခုအဝေးကွင်းပွဲမှာ တစ်လုံးနှစ်ဆယ်အရှုံးပေးထားတဲ့ ဘရိုက်တန်အသင်းရဲ့ ဘော်ဒီကြေးက ပြင်းရှနေပေမဲ့ နှစ်ဂိုးပြတ်အနိုင်ရဖို့တော့ ခက်ပါတယ်။ အိမ်ရှင်ဆောက်သမ်ပ်တန်အသင်း တစ်ဂိုးရခဲ့ရင် သုံးဂိုးသွင်းမှ ကြေးအောင်မဲ့ ဘရိုက်တန်အသင်းကို မကြိုက်ပါဘူး။ တန်းဆင်းဇုန်ရုန်းနေတဲ့ ဆောက်သမ်ပ်တန်အသင်း ဂိုးရနိုင်တယ်လို့ ယူဆထားတဲ့အတွက် ဆောက်သမ်ပ်တန်ဘော်ဒီကို ရွေးချယ်ပေးချင်ပါတယ်။
အက်စတွန်ဗီလာ Vs ချဲလ်ဆီး
ချဲလ်ဆီးအသင်းက အဝေးကွင်းကစားခဲ့ရတဲ့ နောက်ဆုံးငါးပွဲလုံး နိုင်ပွဲမရှိခဲ့သလို တိုက်စစ်မှူးဂျက်ဆန်နဲ့ တောင်ပံကစားသမား မာဒူကီတို့ ဒဏ်ရာပြဿနာရှိနေတာကြောင့် မပါနိုင်ပါဘူး။ လက်ရှိခြေစွမ်းမှာလည်း အကျဘက်ကိုရောက်နေပြီး ဥရောပဝင်ခွင့်နေရာကနေ ကျဆင်းလာတာကြောင့် တော်တော်လေး ဖိအားများနေပါတယ်။ အိမ်ရှင်ဗီလာအသင်းရဲ့ ခြေစွမ်းကတော့ တည်ငြိမ်မှုအားကောင်းနေပြီး အိမ်ကွင်းကစားခဲ့ရတဲ့ ဆယ့်လေးပွဲမှာ တစ်ပွဲသာ ရှုံးနိမ့်ခဲ့တာကြောင့် ချဲလ်ဆီးအသင်းအနေနဲ့ အနိုင်ရဖို့ ခက်ခဲနိုင်ပါတယ် ။ ဒီပွဲစဥ်မှာ ဘော်ဒီကြေး ဒဲ့ပေါက်နေပြီး ဂိုးပေါင်းကြေးက သုံးလုံးသရေဖြစ်ပါတယ်။ လက်ရှိခြေစွမ်းအရဆို ဗီလာအသင်းကတောင် ကြေးကြောပြန်ပေးလို့ရပေမဲ့ ရုန်းကန်လာနိုင်တဲ့ ချဲလ်ဆီးအသင်းကြောင့် ဘော်ဒီကြေး ဒဲ့ပေါက်နေတယ်လို့ ယူဆထားပြီး ဂိုးပေါင်းကြေး မြင့်မားနေတာကို တွေ့ရပါတယ်။ ဂိုးပေါင်းကြေး မြင့်မားမှုကြောင့် ချဲလ်ဆီးအသင်း ဂိုးရနိုင်တယ်လို့ ယူဆထားသလို ဗီလာအသင်းလည်း ဂိုးရနိုင်ပါတယ်။ ဒီပွဲစဥ်မှာ နှစ်သင်းလုံး အပြန်အလှန်ဂိုးရနိုင်ပြီး သုံးဂိုးလောက်က အနိမ့်ဆုံးတွေ့ရနိုင်ပါတယ်။ ဂိုးသွင်းသေချာတဲ့အသင်းက အနိုင်ရသွားနိုင်သလို တစ်ဖက်နှစ်ဂိုးစီလောက်နဲ့ ပွဲပြီးသွားနိုင်တဲ့ အခြေအနေကြောင့် ဂိုးပေါ်တစ်မျိုးတည်းကို ရွေးချယ်ပေးချင်ပါတယ်။
