၁၆. ၁. ၂၀၂၃
Written by Pan Ei
နှစ်စဉ် အမေရိကန် – ကနေဒါ ဝေဖန်ရေးသမား အယောက် ၆၀၀ ကျော်ပါဝင်တဲ့ အဖွဲ့က အကောင်းဆုံး ရှပ်ရှင်ထူးချွန်ဆုတွေကို နှစ်စဉ်ရွေးချယ်ပြီး ဆုချီးမြှင့်လေ့ရှိတဲ့ Critics Choice Awards ဆုပေးပွဲကို ဇန်နဝါရီ ၁၅ ရက်က အမေရိကန်၊ ကယ်လီဖိုးနီးယားပြည်နယ်၊ လော့စ်အိန်ဂျလိစ်မြို့မှာ ကျင်းပခဲ့ပြီး ၂၀၂၃ ခုနှစ်အတွက် အကောင်းဆုံးနိုင်ငံခြားဘာသာစကားစီးရီးအတွက်ဆုကို ကိုရီးယားဒရမ်မာစီးရီး Pachinko က ရရှိခဲ့ပါတယ်။
မင်းသား လီမင်ဟို၊ မင်းသမီး ကင်မင်ဟာ၊ အော်စကာဆုရှင် မင်းသမီး ယွန်းယူဂျောင်းတို့ အဓိကဇာတ်ဆောင်တွေအနေနဲ့ ပါဝင်ထားတဲ့ Pachinko ဇာတ်လမ်းတွဲကို ကိုရီးယား၊ ဂျပန်၊ အင်္ဂလိပ်ဘာသာစကားတွေနဲ့ ရိုက်ကူးထားတာဖြစ်ပါတယ်။
၂၀၂၂ ခုနှစ်အတွက် အဆိုပါဆုကို နာမည်ကြီး စီးရီး Squid Game က ရရှိခဲ့တာဖြစ်ပြီး ဇာတ်ဆောင်မင်းသား လီဂျောင်ဂျေး ဟာလည်း အကောင်းဆုံးသရုပ်ဆောင်ဆုကို ရရှိခဲ့ပါတယ်။
Pachinko ကို ၂၀၂၂ ခုနှစ် မတ်လ ၂၅ ရက်မှ ဧပြီလ ၂၉ ရက်အထိ ပြသခဲ့တာဖြစ်ပြီး အခုအချိန်မှာလည်း ဒုတိယ Season ကို ရိုက်ကူးနေပြီဖြစ်တယ်လို့ သိရပါတယ်။
Ref; Forbes
