၅.၂.၂၀၂၅.
Translated by Htwe Ko Tun
ထိုင်းနိုင်ငံ၊ တက်ခ်ပြည်နယ်၊ မဲဆောက်မြို့မှာရှိတဲ့ အမျိုးသမီးဆရာဝန်တစ်ဦးက တကယ်လို့ သူ့ကို မဲဆောက်ခရိုင်မှာရှိတဲ့ ဒုက္ခသည်စခန်းတစ်ခုက ဒုက္ခသည်တွေကို ပါသွားရောက်ကုသပေးဖို့ ခိုင်းစေလာရင် အလုပ်က ထွက်ရလိမ့်မယ်လို့ ခြိမ်းခြောက်ပြောကြားခဲ့ပါတယ်။
Dr Nuttagarn Cheunchom က ကူးစက်ရောဂါအထူးကုဆရာဝန်တစ်ဦးဖြစ်ပြီး သူ့ရဲ့ခြိမ်းခြောက်ရေးသားထားတဲ့ပို့စ်ကို လူမှုကွန်ရက်မှာတင်ခဲ့တာပါ။ Nuttagarn ကဆေးရုံမှာ ဆရာဝန်လုံလောက်မှု မရှိတဲ့အတွက် ခက်ခက်ခဲခဲရုန်းကန်နေရချိန်မှာ စောင့်ဆိုင်းနေတဲ့ ဒေသခံလူနာတွေကိုပစ်ပြီး ဒုက္ခသည်စခန်းကို ဆေးသွားကုရဦးမယ်ဆိုတာက မမျှတတာဘဲလို့ ဆိုခဲ့ပါတယ်။
Nuttagarn က သူ့ရဲ့ ပို့စ်မှာ သူ့ကို တီဘီရောဂါနဲ့ HIV ဗိုင်းရပ်ကူးစက်ခံရသူတွေအတွက် နယ်စပ်ဒုက္ခသည်စခန်းတစ်ခုက လူနာတွေကို သွားရောက်ကုသပေးဖို့ ညွှန်ကြားခဲ့တယ်လို့ ဆိုပါတယ်။ ထိုင်း-မြန်မာ နယ်စပ်တစ်လျှောက်က ဒုက္ခသည်တွေ ထောင်နဲ့ချီလို့ကျန်းမာရေးဆောင်ရွက်ပေးနေတဲ့ စခန်းတွေပိတ်ခဲ့ပြီးနောက် Nuttagarn ကို ဒီလိုညွှန်ကြားလာတာပါ။
အပြည်ပြည်ဆိုင်ရာဒုက္ခသည်ကော်မတီ(ICRC) ကဒီကျန်းမာရေးစခန်းတွေကို အမေရိကန်ရဲ့ထောက်ပံ့မှုကို ပေးနေတာဖြစ်ပြီး အခုအခါ ဇန်နဝါရီလကုန်နောက်ဆုံးထားပိတ်ဖို့ ICRC က ညွှန်ကြားခဲ့တာပါ။ ဒီနောက်မှာတော့ တက်ခ်ပြည်နယ်အတွင်း ဆေးရုံငါးရုံက ဆရာဝန်တွေကို နယ်စပ်ဒုက္ခသည်စခန်းသုံးခုမှာရှိတဲ့ လူနာတွေကို အလှည့်ကျသွားကုသပေးဖို့ ကျန်းမာရေးဝန်ကြီးဌာနက ညွှန်ကြားလာတာပါ။
Nuttagarn က ဒီအမိန့်ကို ရုပ်သိမ်းခြင်းမပြုရင် ဖေဖော်ဝါရီ ၃ ရက်မှာ အလုပ်ကထွက်မယ်လို့ ခြိမ်း ခြောက်ခဲ့တာပါ။ ဒါပေမယ့် ဖေဖော်ဝါရီလ ၄ ရက်ထိ Nuttagarn က နုတ်ထွက်စာမတင်သေးပါဘူး။
Ref- Nation Thailand
