၁.၂.၂၀၂၅
Written By Thandar
တေးသီချင်းတွေနဲ့ ပရိသတ်အကြိုက် ထပ်တူကျခဲ့တဲ့ အဆိုတော် မီးနိုကတော့ လာမယ့် Valentine Day မတိုင်ခင် ချစ်သူကောင်လေးနဲ့အတူ ရိုမန့်ဆန်ဆန်သီဆိုထားတဲ့ သီချင်းတစ်ပုဒ်ထွက်ရှိလာမယ်လို့ ဆိုပါတယ်။
“မီးနိုရဲ့ ကောင်လေးနဲ့က တွဲနေတာ ၁၅ နှစ်ရှိပါပြီ။ ချစ်သူနဲ့ အတွဲဆိုထားတဲ့ သီချင်းလေးက Valentine Day မတိုင်ခင်လေး ထွက်မှာပါ။ သူက အဲဒီနောက်ပိုင်းမှာ တခြားသီချင်းတွေလည်း ဆက်လုပ်သွားဖို့ ရှိပါတယ်။ သူက ဂီတကို အရမ်းဝါသနာပါတဲ့သူဆိုတော့ အရမ်းညှိရတာ မရှိဘူး။ Rap တွေလည်း ဆိုနိုင်တယ်။ Valentine Day မှာ မီးနိုရဲ့ ကောင်လေးနဲ့အတူ သီချင်း ဆိုတာလေး ထွက်လာဖို့ ရှိပါတယ်။ အရမ်းလည်း RO ထားပါတယ်။ ရိုမန့်ဆန်ဆန် သီချင်းလေး ထွက်လာမှာပါ”လို့ အဆိုတော် မီးနိုက ပြောပါတယ်။
သူမရဲ့ ကျောင်းနာမည်အရင်းက ပိုးအိမ်ဖြူလည်းဖြစ်ပြီး သူငယ်ချင်းတွေက ချစ်စနိုးနဲ့ ပိုးဟပ်ဖြူလို့ ခေါ် ကြတယ်လို့ ဆိုပါတယ်။ အဆိုပါ တေးသီချင်းကိုတော့ တေးရေး ဟိန်းသူအောင် ရေးသားပေးထားပြီးတော့ အကောင်းဆုံး Music Video ကို ချစ်သူကောင်လေးက ကလောမြို့ တစ်မြို့လုံး သွားရောက် ရိုက်ကူးပုံဖော်ထားတယ်လို့ သိရပါတယ်။
မီးနိုရဲ့ သီချင်းသစ်ထွက်လာမှာနဲ့အတူ ချစ်သူကောင်လေးကို ထုတ်ပြလာမှာလည်းဖြစ်တယ်လို့ ဆိုပါတယ်။ အဆိုတော်မီးနိုရဲ့ ကောင်လေးက ဂီတလမ်းကြောင်းပေါ်မှာ ဆက်လက်လျှောက်လှမ်းပြီး သီချင်းတွေ ဆက်ထွက်သွားမယ်လို့ဆိုပါတယ်။
