၂၅.၁.၂၀၂၅
Written By Thandar
မုတ်သုံရုပ်ရှင်ထုတ်လုပ်ရေးက ရိုမန့်ဇာတ်လမ်းပုံစံ “ချိုချဥ်သူငယ်ချင်း”ရုပ်ရှင်ဇာတ်ကားကြီး Cele Show ပွဲအခမ်းအနားကို ဇန်နဝါရီ ၂၄ ရက် ညနေ ၆ နာရီက ရန်ကုန်မြို့ မင်္ဂလာနေပြည်တော် ရုပ်ရှင်ရုံမှာ ကျင်းပခဲ့ပါတယ်။
“ဒီကားလေးက ရိုက်ထားတာ တစ်နှစ်လောက်ရှိပါပြီ။ ဒီကားလေးက ရိုမန့်ဇာတ်လေးဆိုတော့ ဒီလိုဇာတ်မျိုးကြိုက်နှစ် သက်တဲ့ ပရိသတ်တွေအတွက် သဘောကျကြမှာပါ။ အချစ်ဇာတ်လမ်းပုံစံတွေဆိုတာ အပြင်လောကမှာလည်း ရှိနေနိုင်တယ်လေ။ မရှိရင်လည်း မရှိဘူးပေါ့နော်။ဒီဇာတ်ကားကို Entertainment သဘောနဲ့ပဲ ကြည့်ပါလို့ပြောချင်ပါတယ်”လို့ သရုပ်ဆောင် တိုင်ရွန်ကပြောပါတယ်။
ဒီအခမ်းအနားကိုတော့ အနုပညာရှင်တွေဖြစ်တဲ့ တိုင်ရွန်၊ အောင်ရေချမ်း၊ ချာလီ၊ ဒါရိုက်တာ အာကာစိုးဦး၊ ဒါရိုက်တာ ပြည့်ဖြိုးနိုင်၊ သိန်းလင်းစိုး၊ လီလီကျော်ခိုင်၊ မေမီကိုကို၊ သံသာမိုးသိမ့်၊ ဒီး၊ မာယုသာ စတဲ့ အနုပညာရှင်တွေ တက်ရောက်ခဲ့ကြပါတယ်။
အဆိုပါ ဇာတ်ကားကို ဇာတ်လမ်းနဲ့ ဒါရိုက်တာ ပြည့်ဖြိုးနိုင်(PPN) ရေးသားထားပြီးတော့ သရုပ်ဆောင်တွေဖြစ်တဲ့ ရဲရင့်အောင်၊ တိုင်ရွန်၊ ရှင်မွေလ၊ ခေးဆက်သွင်၊ သံသာမိုးသိမ့်၊ ဟန်နီစုစံ၊ မင်းသူ၊ကောင်းကျော်၊ မာယုသာနဲ့ သရုပ်ဆောင်များစွာ ပါဝင်ထားကြပါတယ်။
“ချိုချဥ်သူငယ်ချင်း” CANDY FRIENDS ရုပ်ရှင်ဇာတ်ကားကြီးကို ဇန်နဝါရီလ ၂၄ ရက်နေ့က စတင်ပြီး မြန်မာတစ်နိုင်ငံလုံးရှိ အဆင့်မြင့် ရုပ်ရှင်ရုံကြီးတွေမှာ ရုံတင်ပြသနေပါတယ်။
