၂၄.၁.၂၀၂၅
Written By Thandar
bebeetv ရဲ့ ဂုဏ်ယူစရာကောင်းသော bebeetv ” A World of endless entertainment ” Official Launch မိတ်ဆက်ပွဲ အခမ်းအနားကို ယမန်နေ့ ဇန်နဝါရီ ၂၃ ရက်နေ့ နေ့လယ်ပိုင်းက ရန်ကုန်မြို့ ပြည်လမ်းရှိ Novotel Yangon Max Hotel မှာ ကျင်းပရာ နာမည်ကြီး အနုပညာရှင်များစွာ တက်ရောက်ခဲ့ကြပါတယ်။
“ကျွန်တော့်ရဲ့ ကိုယ်ပိုင်ရုပ်ရှင်ထုတ်လုပ်ရေး Twenty Three ရဲ့ ပထမဆုံး TV Series နှစ်ခုဖြစ်တဲ့ “ရွှေဧည့်သည်” နဲ့ “Brown Jackets: ပရလောကခရီးရှည်တစ်ခု” ဇာတ်ကားတွေကို Bebee TV app မှာရော TV Channel တွေမှာပါ မကြာမီ ပြသသွားမှာဖြစ်ပါတယ်။ လက်တွဲအလုပ်လုပ်ဖြစ်သွားတဲ့ ကိုစိုးသူရကိုလည်း ကျေးဇူးတင်ပါတယ်”လို့ ဒါရိုက်တာ သရုပ်ဆောင် အာကာစိုးဦးက ပြောပါတယ်။
အဆိုပါ အခမ်းအနားကို နာမည်ကြီး အနုပညာရှင်တွေဖြစ်ကြတဲ့ ပိုင်ဇေရဲထွန်း၊ စည်သူမောင်၊ အေးချမ်းမောင်၊ စိုင်းစည်တွမ်ခမ်း၊ ဘုန်းလျှံ၊ ဟင်နရီစံ၊ အကယ်ဒမီ ဝတ်မှုန်ရွှေရည်၊ လီလီကျော်ခိုင်၊ ဒါရိုက်တာပွင့်သိင်္ဂီဇော်၊ မေဂရေ့စ်၊ ဆောင်းဝတ်ရည်မေ၊ ဖုန်းသီရိကျော်စတဲ့ သူတွေ အသိပညာရှင်၊ အတတ်ပညာရှင်တွေ စတဲ့သူတွေ ဂုဏ်ပြုတက်ရောက်ခဲ့ပြီး ပျော်ရွှင်ဖွယ်၊ စိတ်လှုပ်ရှားဖွယ် အစီအစဉ်များလည်း ပါဝင်ခဲ့ကြပါတယ်။
ပထမဆုံး ဇာတ်လမ်းတွဲအနေနဲ့ မင်းသမီးချော အကယ်ဒမီ ဝတ်မှုံရွှေရည် ပါဝင်တဲ့ “နတ်သမီးနက္ခတ်” (Venus’ Luck) ဇာတ်လမ်းတွဲသစ်ကို မကြာခင်မှာ bebee TV ကနေ စတင်ပြသပေးမှာ ဖြစ်ပါတယ်။
