၂၂.၁.၂၀၂၅
Written by Thettant
စမ်းချောင်းမြို့နယ်၊ မြေနီကုန်းက ဒဂုံစင်တာ (၂) မှာ ဒီနေ့နေ့လယ်ပိုင်းက မီးလောင်မှုဖြစ်ပွားခဲ့တယ်လို့ သိရပါတယ်။
ရန်ကုန်တိုင်းဒေသကြီး၊ စမ်းချောင်းမြို့နယ်၊ မြေနီကုန်းတောင်ရပ်ကွက်၊ ဒဂုံစင်တာ(၂) အပေါ်ထပ် (၁၀)လွှာမှာ ဒီနေ့လယ် ၃ နာရီခွဲခန့်အချိန်က မီးလောင်ခဲ့တာဖြစ်ပြီး မီးလောင်မှုဖြစ်ပွားကြောင်း သတင်းအရ စမ်းချောင်းမြို့နယ်မီးသတ်စခန်းက မီးငြှိမ်းသတ်ယာဉ်(၃)စီး ထွက်ခွာငြှိမ်းသတ်ခဲ့ရာမှာ ၃ နာရီ ၃၈ မိနစ်အချိန် မီးငြိမ်းခဲ့တယ်လို့ မီးသတ်ဦးစီးဌာနက သိရပါတယ်။
“မီးတောက်ကတော့ မမြင်ရတော့ဘူး။ မီးခိုးတွေကတော့ ထွက်နေတုန်းပဲ။ မီးသတ်ကားတွေ၊ ပရဟိတအဖွဲ့တွေ ရောက်နေတော့ မြေနီကုန်းမှာ လမ်းတွေပိတ်နေတယ်”လို့ အခင်းဖြစ်စဥ်မှာ ရှိနေသူတစ်ဦးက လက်ရှိမီးလောင်မှုဖြစ်စဥ်အပေါ် MT News မေးမြန်းမှုကို ၃ နာရီ မိနစ် ၅၀ အချိန်မှာ ဖြေဆိုပါတယ်။
လတ်တလောမှာ တာဝန်ရှိသူတွေက အပြီးသတ်မီးငြှိမ်းသတ်ဖို့နဲ့ မီးလောင်မှုဖြစ်စဥ်ကို စိစစ်ဆဲလို့ သိရပြီး ထပ်မံသိရှိရတာ ဆက်လက်ဖော်ပြပေးပါမယ်။
