“သူ့ကိုမှချစ်မိသည်” ဇာတ်လမ်းတွဲမှာ အသည်းနှလုံးမရှိတဲ့ မူယာကိုကိုဆိုတဲ့ ယောက်ျားတွေကို ချနင်းမယ့်‌ ကာရိုက်တာနဲ့ ပရိသတ်မြင်တွေ့ရမှာပါဆိုတဲ့ မေမီကိုကို

၂၀.၁.၂၀၂၅
Written By Thandar

ပရိသတ်ချစ်ခင်မှုကို ပိုမိုရရှိလာတဲ့ သရုပ်ဆောင် မေမီကိုကိုကတော့ ” သူ့ကိုမှချစ်မိသည်” ဇာတ်လမ်းတွဲမှာ အသည်းနှလုံးမရှိတဲ့ မူယာကိုကိုဆိုတဲ့ ယောက်ျားတွေကို ချနင်းမယ့်‌ ကာရိုက်တာ ပရိသတ်မြင်တွေ့ရမှာပါလို့ ဆိုပါတယ်။

“သူ့ကိုမှချစ်မိသည် ဇာတ်ကားမှာ မေမီက မူယာကိုကိုဆိုတဲ့ ကာရိုက်တာ အသစ်လေးနဲ့ မြင်တွေ့ရမှာပါ။ မူယာကိုကိုက ကိုယ့်အောင်မြင်မှုအတွက် ယောက်ျားတွေကို အသုံးချသွားမယ့်ပုံစံလေးပါ ။ မူယာကိုကိုမှာက သေချာတာတစ်ခုက သူသည် နှလုံးသားမရှိဘူး‌ပေါ့နော်။ ကိုယ့် အောင်မြင်မှုအတွက်ပဲ ယောက်ျားတွေကို ချနင်းတာဆိုတော့ ကာရိုက်တာကကြမ်းတယ်။ ဆဲခံရမယ်လို့လည်း မြင်တယ်လို့ သရုပ်ဆောင် မေမီကိုကိုက ပြောပါတယ်။

တစိမ့်စိမ့် အသဲတွေယား လောင်မြိုက်ပြီး ရင်တမမကြည့်ကြရဦးမယ့် အဆိုပါ ဇာတ်လမ်းတွဲကို ဇာတ်လမ်း Skyward Art Team. Ko Set ရေးသားပြီးတော့ ဒါရိုက်တာမင်းဆက်က ကိုရီးယားအချစ်ဇာတ်လမ်းဆန်ဆန် ပုံစံဖော်ထားတာပါ။

သရုပ်ဆောင်တွေအနေနဲ့ သရုပ်ဆောင် ချမ်းမင်းရဲထွဋ်၊ ညိမ်းသော်၊ မေမီကိုကို၊ သံသာညီ၊ စိုးမိုးကြည် တို့နဲ့အတူ အခြားအနုပညာရှင်‌တွေ ပါဝင်ထားကြပါတယ်။

မိနစ် ၃၀ စာ အပိုင်း ၂၀ စာပါဝင်တဲ့ ” သူ့ကိုမှ ချစ်မိသည်”ဇာတ်လမ်းတွဲကို ယနေ့ ဇန်နဝါရီလ ၂၀ ရက်နေ့မှာစတင်ပြီး အပတ်စဉ် တနင်္လာနေ့ကနေ သောကြာနေ့အထိ ည ၈ နာရီ Fortune TV ရုပ်သံလိုင်းက ထုတ်လွှင့်ပြသမှာဖြစ်ပါတယ်။