၁၃. ၁. ၂၀၂၃
Written by Nyein Kyaw
ယနေ့နံနက်ပိုင်းက မင်္ဂလာတောင်ညွန့်မြို့နယ် ပန်းဆိုးတန်းတံတားအဆင်းတွင် တက္ကစီနှင့် ဟိုက်ဂျက် ယာဥ်နှစ်စီးတိုက်မိပြီး အမျိုးသားတစ်ဦးနှင့် အမျိုးသမီးတစ်ဦး ဒဏ်ရာရရှိခဲ့ကြောင်း မင်္ဂလာတောင်ညွန့် လူမှုကူညီရေးအသင်းမှ သိရသည်။
အဆိုပါဖြစ်စဥ်၌ ကားခေါင်းခန်းတွင် ညှပ်နေသည့် အမျိုးသားတစ်ဦးနှင့် ဦးခေါင်းထိခိုက် ဒဏ်ရာရရှိခဲ့သည် အမျိုးသမီးတစ်ဦးတို့ကို ရန်ကုန်ဆေးရုံကြီး အရေးပေါ်ဌာနသို့ ပို့ဆောင်ခဲ့ရကြောင်း သိရသည်။
“ရန်ကုန်ဆေးရုံကြီး အရေးပေါ်ကိုပဲ ပို့လိုက်တယ်။ ဒဏ်ရာတွေကတော့ မစိုးရိမ်ရပါဘူး” ဟု မင်္ဂလာတောင်ညွန့် လူမှုကူညီရေးအသင်းမှ တာဝန်ရှိသူက ပြောသည်။
