၁၄.၁.၂၀၂၅
Written by KL
မန္တလေးတိုင်းဒေသကြီး၊ ပြည်ကြီးတံခွန်မြို့နယ်၊၁၃၈ လမ်းနှင့် ၇၀ လမ်းထောင့်၊ (စျ)ရပ်ကွက်ရှိ မန္တလေးချည်မျှင်စက်ရုံ(၁)တွင် ယနေ့ ဇန်နဝါရီလ ၁၄ ရက်၊မွန်းလွဲ ၁၂ နာရီ ၅၃ မိနစ်ခန့်က ဝါဖန်စက်မော်တာ မီးပွားထွက်ရာမှ မီးလောင်မှုဖြစ်ပွားခဲ့ကြောင်း မီးငြှိမ်းသတ်သူများထံမှ သိရသည်။
အလျား ပေ ၁၂၀၊ အနံ ပေ ၁၀၀ ခန့်ရှိသော Steel Structure စက်ရုံတွင် မီးလောင်မှုဖြစ်ပွားခဲ့ပြီး မီးလောင်မှုကြောင့် ဝါပိဿာ ၂၀ ခန့် မီးလောင်ဆုံးရှုံးခဲ့ကြောင်း သိရသည်။
မီးလောင်မှုကို မီးငြှိမ်းသတ်ယာဥ် ၅ စီး၊ ရေသယ်ယာဥ် ၂ စီး၊ အုပ်ချုပ်မှုယာဥ် ၁ စီးနှင့် သန္ဓေအရန်မီးသတ်တပ်ဖွဲ့ဝင် ၃ဝ ကျော်ဖြင့် မီးငြှိမ်းသတ်ခဲ့ရာ မွန်းလွဲ ၁ နာရီ ၅ မိနစ်ခန့်တွင် မီးငြိမ်းခဲ့ကြောင်း သိရသည်။
မီးလောင်မှုကြောင့် အသက် ၃၁ နှစ်အရွယ် မန်နေဂျာ ဦးရဲဝင်းနောင်ကို ပြည်ကြီးတံခွန်မြို့နယ် စက်မှုရဲစခန်းက ရာဇသတ်ကြီးပုဒ်မ ၂၈၅ ဖြင့် အမှုဖွင့်ထားကြောင်း သိရသည်။
