“ မျက်နှာဖုံး”ရုပ်သံဇာတ်လမ်းတွဲမှာ မိုးနှောင်းဆိုတဲ့ ညီမလေးကိုလည်း ချစ်တယ် အလိုလည်းလိုက်တဲ့ ပန်းချီဆရာတစ်ယောက်ကာရိုက်တာနဲ့ သရုပ်ဆောင်ထားပါတယ်ဆိုတဲ့ ဟိန်းဝေယံ

၁၂.၁.၂၀၂၅
Written By Thandar

Suspense Trailer ဇာတ်လမ်းပုံစံ “မျက်နှာဖုံး” ရုပ်သံဇာတ်လမ်းတွဲမှာ မိုးနှောင်းဆိုတဲ့ ညီမလေးကိုလည်း ချစ်တယ် အလိုလည်းလိုက်တဲ့ ပန်းချီဆရာတစ်ယောက်ကာရိုက်တာနဲ့ သရုပ်ဆောင်ထားပါတယ်လို့ သရုပ်ဆောင် ဟိန်းဝေယံက ဆိုပါတယ်။

“ဒီဇာတ်လမ်းတွဲမှာ ကျွန်တော်က မိုးနှောင်းဆိုတဲ့ ညီမလေးကိုလည်း ချစ်တယ် အလိုလိုက်တယ် ပန်းချီဆရာတစ်ယောက်ကာရိုက်တာနဲ့ သရုပ်ဆောင်ထားပါတယ်။ ဒီကားရဲ့ ဇာတ်လမ်းပုံစံလေးက Suspense ရယ် Trailer နဲ့ Drama လေးလည်းပါပါတယ်။ ဒီဇာတ်ကို ကျွန်တော်ကိုယ်တိုင်က ကြိုက်နှစ်သက်လို့ကို ရိုက်ဖြစ်တာပါ။ ရိုက်နေရင်း ဆင်းန်တိုင်းမှာလည်း အပြည့်အဝအားစိုက်ထည့်ထားပါတယ်။ ကြိုးစားပြီး ပါဝင်အားဖြည့်ထားပါတယ်” လို့ သရုပ်ဆောင်ဟိန်းဝေယံက ပြောပါတယ်။

အဆိုပါ ဇာတ်ကားကို ဒါရိုက်တာ ကျော်သားကြီးက ရိုက်ကူးပြီး သရုပ်ဆောင် ဟိန်းဝေယံ၊ ထွန်းကိုကို၊ အကယ်ဒမီစိုးပြည့်သဇင်၊ ဆောင်းယွန်းစံ၊ အယ်လ်လာရွှေစင်၊ ညီနန္ဒ၊ နေမျိုးအောင်၊ အကယ်ဒမီမြတ်ကေသီအောင်၊ သာသာနဲ့ သရုပ်ဆောင်များစွာက ပါဝင်ထားကြပါတယ်။

မျက်နှာဖုံး ဇာတ်လမ်းတွဲကို‌ ဇန်နဝါရီ ၁၁ ရက် စနေနေ့နဲ့ တနင်္ဂနွေနေ့ ည ၇ နာရီမှာ Channel K နဲ့ Mahar application က ထုတ်လွှင့်ပြသမှာဖြစ်သလို ပြန်လည်ပြသချိန် အနေနဲ့ စနေနေ့နဲ့ တနင်္ဂနွေနေ့တွေမှာ နံနက် ၉နာရီနဲ့ ည ၁၁ နာရီမှာ ပြသမှာလည်းဖြစ်ပါတယ်။