◾ ဓားပြတိုက်မှုကျူးလွန်သည့် အမရပူရ PDF အဖွဲ့ဝင်များလည်း ဖမ်းမိထားဟု ဆို
၁၁.၁.၂၀၂၅
Written By Zun
မန္တလေးတိုင်းဒေသကြီး၊ မန္တလေး မဟာအောင်မြေမြို့နယ်ရှိ ကမ္ဘောဇဘဏ်တွင် ယနေ့ဖြစ်ပွားခဲ့သော သေနတ်ပြ၍ ငွေများဝင်လုယူသူမှာ အမရပူရ PDF အဖွဲ့ဝင် PDF တစ်ဦး ဖြစ်နေကြောင်း သက်ဆိုင်ရာလုံခြုံရေးအဖွဲ့ထံမှ သိရသည်။
ယနေ့ ဇန်နဝါရီလ ၁၁ ရက် မွန်းလွဲ ၂ နာရီခွဲခန့်က မဟာအောင်မြေမြို့နယ်၊ မဟာနွယ်စဉ်ရပ်ကွက် အကွက်အ မှတ် ၆၈၉ ဘဏ်ခွဲအမှတ် ၃၇၊ ဗောဓိကုန်းဘဏ်ခွဲသို့ အမည်မသိအမျိုးသားတစ်ဦးရောက်ရှိလာပြီး သေနတ် အတို လက်လုပ်တစ်လက်ကို ထုတ်ပြကာ ၎င်းနှင့် အတူ ပါလာသည့် ကျောပိုးအိတ်အနက်ရောင်အတွင်းသို့ ငွေစက္ကူများ ထည့်သွင်း၍ ပြန်လည်ထွက်ခွာသွားစဉ် ဘဏ်ဝင်ပေါက် ရှိ ဘဏ်လုံခြုံရေးအဖွဲ့ဝင်များနှင့် ပြည်သူများက ဝိုင်းဝန်းဖမ်းဆီးရမိခဲ့ခြင်းဖြစ်သည်။
ယင်းသို့ဖမ်းဆီးစဉ် အဆိုပါကျူးလွန်သူက လက်လုပ်သေနတ်အတိုဖြင့် ပစ်ခတ်ခဲ့သဖြင့် ဘဏ်၏ ဒုတိယမန် နေဂျာ ဦးလမင်းကိုကိုတွင် လက်မောင်းကျည်ဖောက်ဝင်ဒဏ်ရာတစ်ချက်ရရှိခဲ့ခြင်းဖြစ်ကြောင်း MT News က ဖော်ပြခဲ့ပြီးဖြစ်သည်။
ဖြစ်စဉ်မှ ကျူးလွန်သူကို ဖမ်းဆီးရမိခဲ့သောကြောင့် သက်ဆိုင်ရာက စစ်ဆေးမှုများ ပြုလုပ်ခဲ့ကြရာ ကျူးလွန်သူမှာ အမရပူရ PDF အောင်ပြည့်ဖြိုး (ခ) ကိုပြည့် ဆိုသူ ဖြစ်ကြောင်းနှင့် ယင်းနှင့်ပတ်သက်သူများအား ဆက်လက်စစ်ဆေးသွားမည့်အပြင် ဆက်စပ်သူများလည်း ဖမ်းမိထားကြောင်း၊ လတ်တလောတွင် စစ်ဆေးဆဲကာလ ဖြစ်သောကြောင့် မကြာမီ ထုတ်ပြန်ပေးမည် ဖြစ်ကြောင်းလည်း အဆိုပါ လုံခြုံရေးနှင့် နီးစပ်သူတစ်ဦးက MT News ကို ပြောသည်။
