၁.၁.၂၀၂၅
Written By Thandar
ပရိသတ်ချစ်ခင်မှုကို အခိုင်အမာ ရရှိထားတဲ့ အကယ်ဒမီ ဝတ်မှုန်ရွှေရည်ကတော့ ၂၀၂၄ ခုနှစ်ကုန်ဆုံးလို့ ၂၀၂၅ ခုနှစ် မင်္ဂလာနှစ်သစ်မှာ မိသားစုနဲ့အတူ ပျော်ရွှင်မှုမျှဝေနိုင်ပါစေလို့ ဆိုလာပါတယ်။
“၂၀၂၅ မင်္ဂလာနှစ်သစ်မှာစိတ်၏ ချမ်းသာခြင်း ၊ ကိုယ်၏ကျန်းမာခြင်းနဲ့ ပြည့်စုံပြီး တန်ဖိုးထားရတဲ့ မိသားစုနဲ့အတူ ပျော်ရွှင်မှုတွေမျှဝေနိုင်ပါစေ…..။ ကိုယ့်ရဲ့ စွမ်းဆောင်ရည်တွေလည်း မြင့်တက်ပြီးအလုပ်အကိုင်တွေလည်း တိုးတက်အောင်မြင်ပါစေ။ ပြည့်စုံသည်ထက် ပိုမိုပြည့်စုံပါစေကြောင်း ဆုတောင်းလိုက်ပါတယ်” လို့ အကယ်ဒမီ ဝတ်မှုန်ရွှေရည်က ပရိသတ်ကို ဆုမွန်ကောင်းတောင်း ပေးလိုက်တာပါ။
သူ့မကတော့ အနုပညာအလုပ်တွေ ရပ်နားထားပြီး ၄ နှစ်ကြာမှ ပြန်လည်ရိုက်ကူးထားတဲ့ “တိမ်ပန်းချီ” ရုပ်ရှင် ဇာတ်ကားက ပရိသတ်တွေကြားရေပန်းစားနေတာပါ။ ဝတ်မှုန်ရွှေရည်ဟာ “တိမ်ပန်းချီ” ဇာတ်ကားနဲ့ ပရိသတ်ရင်ထဲက အကယ်ဒမီကို ရရှိနေတာလည်းဖြစ်ပါတယ်။
