၁.၁.၂၀၂၅
Written By Thandar
ဇာတ်လမ်းတွဲတွေကတစ်ဆင့် တစ်ကျော့ပြန် ပရိသတ်ချစ်ခင်မှုထပ်မံရရှိလာတဲ့ သရုပ်ဆောင် သွန်းဆက်က နှစ်သစ်အတွက် Lucky လေး ဗိုက်ထဲမှာ ဘေဘီလေးရှိနေပြီလို့ ဆိုပါတယ်။
“နှစ်သစ်အတွက် Lucky လေး၊ ဗိုက်ထဲကဘေဘီလေး 5 weeks. သားသားလေး ဖြစ်မလား။ မီးမီးလေးဖြစ်မလား ဆိုပြီး ဒီပါးပါး မားမား ရင်ခုန်နေပါပြီ” လို့ သရုပ်ဆောင် သွန်းဆက်က ပရိသတ်သိအောင်ပြောလာတာပါ။
သူမကတော့ ခင်ပွန်းကိုဇင်လှိုင်မြင့်နဲ့အတူ စင်ကာပူနိုင်ငံမှာ ပျော်ရွှင်စွာ လည်ပတ်နေကြတာလည်း ဖြစ်ပါတယ်။ သွန်းဆက်ကိုတော့ ချစ်သူက ၂၀၂၃ ခုနှစ် မတ်လ ၂၆ ရက်က ပရိသတ်တွေအရှေ့မှာ လက်ထပ်ခွင့် တောင်းဆိုခဲ့တာလည်း ဖြစ်ပါတယ်။ ကိုဇင်လှိုင်မြင့်နဲ့ သွန်းဆက်နွယ်တို့ရဲ့ မင်္ဂလာမော်ကွန်းတင်လက်ထပ်ပွဲကိုတော့ ၂၀၂၄ ခုနှစ် နိုဝင်ဘာ ၁၉ ရက်က ရန်ကုန်မြို့မှာ ကျင်းပခဲ့တာလည်းဖြစ်ပါတယ်။
“ချစ်ရသူများအားလုံး Happy New Year နှစ်သစ်မှစ စိတ်ချမ်းသာ ကိုယ်ကျန်းမာပြီး စိတ်သွားတိုင်းကိုယ်ပါ လိုအင်ဆန္ဒဟူသမျှအားလုံး ပြည့်ဝကြပါစေလို့ ဆုတောင်းမေတ္တာပို့လိုက်ရပါတယ်ရှင့်” လို့ သူမကဆက်ပြောပါတယ်။
