၃၁.၁၂.၂၀၂၄
Photo by Ye Kyaw
နေပြည်တော်၊ ဝဏ္ဏသိဒ္ဓိအားကစားကွင်းမှာ ပြုလုပ်နေတဲ့ Myanmar Countdown 2025 ပွဲဆီကို နေပြည်တော် မြို့ခံတွေအပြင် ရန်ကုန်နဲ့ အခြားမြို့ကြီးတွေက အများပြည်သူများစွာပါ လာရောက်ခဲ့တာကြောင့် စည်ကားလျက်ရှိပါတယ်။
ညနေ ၃ နာရီလောက်ကတည်းက အများပြည်သူတွေ လာရောက်ခဲ့တာဖြစ်ပြီး လုံခြုံရေးအရ စစ်ဆေးရေးဂိတ်မှာဆိုရင်လည်း လက်ရှိအချိန်အထိ တန်းစီစောင့်ဆိုင်းနေသူတွေ များပြားနေတာဖြစ်ပါတယ်။
အဆိုပါ Myanmar Countdown 2025 ပွဲကို ည ၁ နာရီကျော်အထိ ကျင်းပသွားမှာဖြစ်ပြီး New Year Countdown အစီအစဉ်တွေလည်း ပြုလုပ်သွားမှာဖြစ်ပါတယ်။
ဒါ့အပြင် နိုင်ငံကျော် တေးသံရှင်များစွာရဲ့ ဖျော်ဖြေတင်ဆက်မှုတွေကို ကြည့်ရှုခံစားရမှာဖြစ်ပြီး လတ်တလောမှာတော့ Project K အဖွဲ့၊ JASON ACE တို့အပြင် ချစ်ကောင်း၊ ခိုင်ထူး၊ ဘိုဘိုဟန်စတဲ့အဆိုတော်တွေလည်း ဖျော်ဖြေသွားမယ်လို့ သိရပါတယ်။
