MT News
၂၆. ၁၂. ၂၀၂၄
Written by Nay Moe
အမြန်လမ်းတိုက်ပွဲမှာသေဆုံးတဲ့ သာယာဝတီခရိုင် အမှတ် -၂၊ ၃၈၀၂ တပ်ရင်း၊ တပ်ခွဲ-၄ မြေအောက်ပြောက်ကျားတပ်ဖွဲ့ (UGF OKPO) က PDF တစ်ဦးအတွက် ဝမ်းနည်းကြောင်း မိခင်တပ်ရင်းက ဒီနေ့ ဒီဇင်ဘာ ၂၆ ရက်မှာ ထုတ်ပြန်လာပါတယ်။
သာယာဝတီခရိုင်၊ အမှတ် – ၂ ၊ ၃၈ဝ၂ တပ်ရင်း ၊ တပ်ခွဲ – ၄ က ရဲဘော်ဝင်းစိုး(ခ)စိုးကြီးဟာ ၂၀၂၄ ခုနှစ်၊ ဒီဇင်ဘာ (၅)ရက်၊ နေ့လည် ၁၂ နာရီ ၃၀ မိနစ်အချိန်မှာ ပဲခူးအရှေ့ခြမ်း၊ ကညွတ်ကွင်းမြို့ အနောက်မြောက်ဘက်၊ ရန်ကုန်အမြန်လမ်း၊ မိုင်တိုင်အမှတ်( ၁၀၄/၃) မှာ တိုက်ပွဲဝင်ရင်း ကျည်ထိသေဆုံးခဲ့တာကို ဒီနေ့မှ ထုတ်ပြန်တာလည်း ဖြစ်ပါတယ်။
သေဆုံးသူ အုတ်ဖို PDF ဝင်းစိုးမှာ ဇနီး၊ သမီးငယ်တစ်ဦးနဲ့ သားတစ်ဦးလည်း ကျန်ခဲ့တယ်လို့ သိရပါတယ်။