၂၆.၁၂.၂၀၂၄
Written By Thandar
သရုပ်ဆောင် ခရစ္စတီးနားနဲ့ ချစ်သူကိုဝေယံလွင်တို့ ချစ်သူနှစ်ဦးက ရှေးရေစက်ဆိုတဲ့ Pre Wedding ပုံလေးနဲ့ ပရိသတ်ကို ချပြလာပါတယ်။
” ရှေးရေစက်ဆိုတဲ့ Pre Wedding ပုံလေးနဲ့အတူ ချစ်သူကောင်လေးဟာတော့ သူမဘဝရဲ့ အလင်းရောင်လို့ ဖွင့်ဟလာပါတယ်”လို့ သရုပ်ဆောင် ခရစ္စတီးနားက ပရိသတ်ကို အသိပေးခဲ့ပါတယ်။
သူမကတော့ အပျိုကြီးဘဝကကျွတ်တော့မှာလည်းဖြစ်ပြီးတော့ ချစ်သူသက်တမ်း ၂ နှစ်ကျော်ရှိနေပြီလည်းဖြစ်ပါတယ်။ ပြင်သစ်နိုင်ငံ ပဲရစ်မြို့ရှိ နာမည်ကြီး အီဖယ်မျှော်စင်ရှေ့မှာ ချစ်သူက Propose လက်ထပ်ခွင့်ကို ယခု ၂၀၂၄ ခုနှစ် အောက်တိုဘာ ၂၄ ရက်က တောင်းခံခဲ့တာလည်းဖြစ်ပါတယ်။
“ချစ်သူကလည်း တရုတ်ကပြားလေးဆိုတော့ အရမ်းသဘောကျသွားတယ်။ တွဲနေတာတော့၂ နှစ်ရှိပါပြီ။ အခုတော့ ချစ်သူက အစစအရာရာလိုလေသေးမရှိအောင်ဂရုစိုက်ပါတယ်” လို့သူမက ဆက်ပြောပါတယ်။
အနောက်တိုင်းဝတ်စုံနဲ့ ပြင်သစ်က ပုံတွေအပြင် မြန်မာဝတ်စုံလေးတွေနဲ့ အင်မတန်လှပကျက်သရေရှိလှတဲ့ဝတ်စုံပြီးနဲ့ ထပ်မံပြီး ပရိသတ်ကို ချပြလာတာလည်းဖြစ်ပါတယ်။
