၂၂. ၁၂.၂၀၂၄
Written by Nay Moe
AA နှင့် NUG ကို လက်နက်ကိုင် သစ္စာခံသော ချင်းလက်နက်ကိုင်အဖွဲ့များဖြစ်သည် CNDF ၊ CDF ကန်ပက်လက်၊ CDF မတူပီ (တပ်မဟာ – ၁)၊ CDF မင်းတပ်၊ မရာလက်နက်ကိုင် MTC/MDF နှင့် Zoland Defence Force တို့ ပါဝင်သော Chin Brotherhood Alliance အဖွဲ့ ကန်ပက်လက်မြို့သိမ်းစစ်ဆင်ရေးကို ယနေ့စတင်ကြောင်း ကြေညာလာသည်။
ချင်းညီနောင်က မင်းတပ်နှင့် ဖလမ်းမြို့သိမ်းတိုက်ပွဲတွင် အောင်မြင်မှု ရရှိသည်ဟု ကြေညာမှုများအပြီး ကန်ပက်လက်မြို့သိမ်း စစ်ဆင်ရေး စတင်ပြီဖြစ်ကြောင်း ကြေညာလာခြင်းဖြစ်သလို ယခု ထုတ်ပြန်ချက်မှာ မင်းတပ်နှင့်ဖလမ်းမြို့သိမ်း စစ်ဆင်ရေး စတင်သည့် နိုဝင်ဘာလ ၉ ရက်နေ့ နောက်ပိုင်း ထပ်မံထုတ်ပြန်လာသော မြို့သိမ်း စစ်ဆင်ရေးလည်းဖြစ်သည်။
ချင်းပြည်နယ်တွင် AA နှင့် NUG ကို သစ္စာခံသော CB ထက် ချင်းတိုင်းရင်းသားများဖြင့်စုဖွဲ့ထားသည့် ချင်းပြည်ကောင်စီကိုသာ ချင်းတိုင်းရင်းသားများက နှစ်လိုကာ ချင်းပြည်မှ AA ထွက်ခွာရေး ဆန္ဒပြမှုနှင့် ချင်းပြည်ကောင်စီ၏ CNA /CNF မဟာမိတ်တပ်ပေါင်းစုကလည်း AA ကို တိုက်ထုတ်ရန် ကြိုးပမ်းနေသည်။