၁၉.၁၂.၂၀၂၄
Written By Thandar
၂၀၂၄ ခုနှစ်အတွက် မြန်မာ့ရုပ်ရှင်ထူးချွန်ဆုပေးပွဲမှာ ရွှေကြိုမောင်မယ်အဖြစ်နဲ့ ပါဝင်နိုင်ဖို့ ပဏာမရွေးချယ်ခံရတဲ့ ရွှေကြိုမောင်မယ်လောင်း အယောက် ၉၀ စာရင်းတွေကို ရုပ်ရှင်အစည်းအရုံးက ဒီဇင်ဘာ ၁၈ရက် ညနေပိုင်းမှာ ထုတ်ပြန် ကြေညာခဲ့ပါတယ်။
“ကျွန်တော်တို့အနေနဲ့ ဝင်ရောက်ယှဉ်ပြိုင်မယ့် ရွှေကြိုမောင်မယ်တွေအနေနဲ့က သူတို့ရဲ့ သရုပ်ဆောင်စွမ်းရည်ကိုတော့ ၃ မိနစ်ထက်မပိုဘဲ ပြသယှဉ်ပြိုင်ရမှာပါ။ ဒါ့အပြင်ကိုယ်တတ်ကျွမ်းတဲ့ အနုပညာဆိုင်ရာ အဆို၊ အက၊ အတီး အမှုတ် ဖြစ် ဖြစ်၊ အားကစားပဲဖြစ်ဖြစ် ပညာရပ်တစ်ခုခု တတ်မြောက်ထားတဲ့သူတွေကလည်း ထုတ်ဖော်ပြသလို့ ရပါတယ်။ ဒုတိယအဆင့်ပြိုင်ရမယ့် ရွှေကြိုတွေအနေနဲ့ ကြိုတင်ပြင်ဆင်လို့လည်း ရအောင်ပါ” လို့ မြန်မာနိုင်ငံ ရုပ်ရှင်အစည်းအရုံး တာဝန်ရှိသူက ပြောပါတယ်။
အဆိုပါ ပဏာမရွေးချယ်ခံရတဲ့ ရွှေကြိုမောင်မယ်တွေက လာမယ့် ဒီဇင်ဘာ ၂၂ ရက် တနင်္ဂနွေနေ့မှာ ဗဟန်းမြို့နယ် အမှတ် (၁၆)၊ ဝင်္ကပါလမ်းရှိ မြန်မာနိုင်ငံရုပ်ရှင်အစည်းအရုံး ရွှေရတုခန်းမမှာ ဒုတိယအဆင့်ကို နံနက် ၉ နာရီမှ စတင်ယှဉ်ပြိုင်ကြရမှာလည်းဖြစ်ပါတယ်။
ဒုတိယအဆင့် ယှဉ်ပြိုင်မှာ ရွှေကြိုမောင်မယ်လောင်းတွေအနေနဲ့ ကြိုတင်ပြင်ဆင်နိုင်ဖို့ တူရိယာ အတီးစွမ်းရည်ကို ဖော်ပြယှဉ်ပြိုင်လိုသူတွေက ကိုယ်တီးခတ်မယ့် တစ်ပိုင်တစ်နိုင်တူရိယာပစ္စည်းတွေ၊ အထောက်အကူပစ္စည်းတွေကို ဥပမာ – သိုင်းစွမ်းရည်ပြမည်ဆိုပါက တုတ်တို၊ နံချပ်ကူ စတဲ့အရာတွေ ယူဆောင်လာမှာလည်း ဖြစ်တယ်လို့ သိရပါတယ်။
#ရွှေကြိုမောင်မယ် #ရွှေကြိုမောင်မယ်လောင်း
#ပဏာမလူရွေးချယ် #ရွှေကြိုရွေးချယ်ရေးကော်မတီ #မြန်မာနိုင်ငံရုပ်ရှင်အစည်းအရုံး #၂၀၂၄အကယ်ဒမီ #MyanmarAcademyShweKyo #MMPO
#မြန်မာ့ရုပ်ရှင်ထူးချွန်ဆု #MTEntertainment
၁၁ လောက်တင်ပေးပါ
