MT News
၁၇. ၁၂. ၂၀၂၄
၂၀၂၅ ကိုကြိုဆို၍ အဆိုတော် ၃၀ ကျော်ဖြင့် အခမဲ့ဖျော်ဖြေမည့် စျေးပွဲတော်နှင့် Myanmar Countdown 2025 ပွဲတော်ကို ဒီဇင်ဘာလ ၂၉ ရက်နေ့မှ ၃၁ နေ့အထိ နေပြည်တော်၊ ဝဏ္ဏသိဒ္ဓိ အားကစားကွင်း လေ့ကျင့်ရေးကွင်း (၁/၂) တွင် ကျင်းပပြုလုပ်သွားမည်ဖြစ်ကြောင်း သိရသည်။
၃ ရက်ကြာကျင်းပပြုလုပ်မည့် Myanmar Countdown 2025 ပွဲတော်ကြီး နိုင်ငံကျော်အဆိုတော်များဖြစ်သည့် Bobby Soxer ၊ ပုံရိပ်၊ လွှမ်းပိုင်၊ ချမ်းမြေ့မောင်ချို၊ ထက်ယံ၊ Examplez၊ Double J၊ Team 143၊ ဝိုင်းစုခိုင်သိန်း၊ ချစ်ကောင်း၊ အိမ့်ချစ်၊ ဖြိုးပြည့်စုံ၊ Jewel၊ နေမင်းအိမ်၊ ဝေလ၊ ဘိုဖြူ၊ ဟဲလေး၊ နောနော်၊ အိုင်းရင်းဇင်မာမြင့်၊ ရဲရင့်အောင်၊ ယွန်းမြတ်သူ၊ ရတနာမိုင်၊ J Fire၊ အစ္စဏီ၊ သိန်းလင်းစိုး၊ အောင်ထက်၊ Jason Ace၊ မဟော်၊ Project K၊ Awasome Boyz တို့ပါဝင်ဖျော်ဖြေသွားမည်ဖြစ်ကြောင်း သိရသည်။
Myanmar Countdown ပွဲကြီး ကျင်းပပြုလုပ်မည့် ရက်များတွင် စျေးပွဲတော်လည်း ထည့်သွင်းကျင်းပရန် စီစဥ်နေပြီး အစားအသောက်များ၊ အဝတ်အထည်နှင့် လူသုံးကုန်ပစ္စည်းများ၊ Local Product များ၊ တိုင်းရင်းသား အစားအစာနှင့် ဒေသထွက် ပစ္စည်းများ၊ Handmade Product များ၊ အလှကုန်ပစ္စည်းများ အစရှိသဖြင့် ထည့်သွင်းကျင်းပမည်ဖြစ်သဖြင့် ရောင်းချလိုသော Vendor များလည်း Myanmar Countdown 2025 Page သို့ ဆက်သွယ်နိုင်ကြောင်း သိရသည်။
