၁၀.၁၂.၂၀၂၄
Written By Thandar
သဲစုညိမ်း၊ မီးမီးနဲ့ ထူးအံ့လွင်တို့ ပါဝင်သရုပ်ကြမယ့် “1994 ” ရုပ်ရှင်ဇာတ်ကားကြီးရဲ့ ကန်တော့ပွဲပေးအကြိုမိတ်ဆက်ပွဲကို ယနေ့ ဒီဇင်ဘာ ၁၀ ရက်နံနက်ပိုင်းက ရန်ကုန်မြို့ ဗိုလ်တထောင်ဘုရားနဲ့ဝန်ကြီးများရုံးရှိ The Heritage Flavor Restaurant မှာ ကျင်းပခဲ့ပါတယ်။
“ကျွန်တော့်အနေနဲ့ ဒီဇင်ဘာလရဲ့လက်ဆောင်တစ်ခုအနေနဲ့ 1994 ရုပ်ရှင်ဇာတ်ကားကြီးပါ။ ကျွန်တော်ရိုက်နေကြ သရဲကားပုံစံမဟုတ်ဘဲ ကြမ်းကြမ်းရမ်းရမ်း အချစ်အမုန်းတွေ၊ သီချင်းတွေနဲ့ လူငယ်ဆန်ဆန်ခံစားရမယ့် အရသာပေးဖို့အတွက် ရည်ရွယ်ဖန်တီးမှာဖြစ်ပါတယ်။ ဒီရုပ်ရှင်ဇာတ်ကား ၂၀၂၅ ခုနှစ်ထဲ ပရိသတ်လက်ထဲကို ထည့်နိုင်မယ့်လို့ မျှော်လင့်ထားပါတယ်” လို့ ဒါရိုက်တာ အာကာစိုးဦးက ပြောပါတယ်။
အဆိုပါဇာတ်ကား ကန်တော့ပွဲပေး အခမ်းအနားကို သရုပ်ဆောင် တိုင်ရွန်၊ လီလီကျော်ခိုင်၊ သဲစုညိမ်း၊ မီးမီး၊ ထူးအံ့လွင်၊ မင်းဟိဏ်း၊ DoubleJ နဲ့ မင်းသန့်တို့ တက်ရောက်ခဲ့ကြပါတယ်။
“ဒီကားကကြတော့ ကျွန်တော်ရယ် သဲစုငြိမ်းရယ် မီးမီးရယ် သရုပ်ဆောင်ရမယ့် ကားလေးပါ။ အခုလိုမျိုး ကမ်းလှမ်းပေးတဲ့ ထုတ်လုပ်ရေးကိုလည်း ကျေးဇူးတင်ပါတယ်။ ဒီကားထဲမှာကြတော့ ကျွန်တော့်ကို ပရိသတ်တွေ ထင်မထားတဲ့ ပုံစံမျိုးနဲ့ မြင်ရမှာပါ။ ဇာတ်လမ်းပုံစံလေးကလည်း ကျွန်တော်အရမ်းလုပ်ချင်နေတဲ့ ဇာတ်လမ်းပုံစံမျိုးပါ။ ကျွန်တော့်အနေနဲ့လည်း အကောင်းဆုံးကြိုးစားသွားမှာပါ”လို့ ထူးအံ့လွင်ကပြောပါတယ်။
အဆိုပါဇာတ်ကားကို Royal Poe ရုပ်ရှင်ထုတ်လုပ်ရေးက ထုတ်လုပ်ပြီး ဇာတ်ညွှန်း ရွှေရည်ရွှန်းလဲ့ကရေးသားကာ
ဇာတ်လမ်းနဲ့ ဒါရိုက်တာ အာကာစိုးဦးက သရုပ်ဆောင် တိုင်ရွန်၊ ထူးအံ့လွင်၊ Double J၊ မင်းသန့်၊ မင်းဟိဏ်း၊ လီလီကျော်ခိုင်၊ မီးမီး၊ သဲဆုညိမ်းတို့တဲ့ ရိုက်ကူးပါဝင်သရုပ်ဆောင်ကြမှာဖြစ်ပါတယ်။
