၉. ၁၂. ၂၀၂၄
Written by Nay Moe
မြန်မာနိုင်ငံရဲတပ်ဖွဲ့မှ ရဲတပ်ကြပ်ကြီးတစ်ဦးကို စစ်ကိုင်းမြို့ပေါ်ရှိ နေအိမ်အထိ PDF သုံးဖွဲ့ပေါင်းပြီး ဝင်ရောက်ဖမ်းဆီးခဲ့သည်ဟု ရတနာပုံတပ်ဦး PDF အဖွဲ့က ယခုနံနက်တွင် အသိပေးချက်ထုတ်ပြန်ထားသည်။
ဒီဇင်ဘာလ ၈ ရက် နေ့လယ် ၁၁ နာရီအချိန်ခန့်တွင် Burmese Revolution Force – B.R.F ၊ ရတနာပုံတပ်ဦး၊ Brave Soldiers Guerilla Force နှင့် PDF ပူးပေါင်းမဟာမိတ်များက စစ်ကိုင်းမြို့မှ ရဲတပ်ကြပ်ကြီး ယဉ်ထွန်းမောင်၏ နေအိမ်အား ဝင်ရောက်စီးနင်း၍ ဖမ်းဆီးခဲ့ခြင်းဖြစ်သည်။
ရဲတပ်ကြပ်ကြီးယဥ်ထွန်းမောင်နှင့်အတူ ၇ ဒသမ ၆၂ ကျည် ၁၈ တောင့်၊ ၅ ဒသမ ၅၆ ကျည် ၃၈ တောင့်၊ လက်ပစ်ဗုံး ၁ လုံး၊ လက်ထိပ် ၁ ခု၊ ဦးထုတ် ၂ လုံး၊ အပေါ်ယူနီဖောင်း ၂ စုံတို့အား သိမ်းဆည်းရရှိခဲ့သည်ဟုလည်း ပြောပြီး ဖမ်းမိရဲတပ်ကြပ်ကြီး အမည်၊ ကိုယ်ပိုင်အမှတ် စစ်မေးနေမှုလည်း ဖော်ပြထားသည်။
