၇.၁၂.၂၀၂၄
Written By Thandar
“အိပ်မက်ကာရန်” Musical ရုပ်ရှင်ဇာတ်ကားကြီးမှာပါဝင်ထားတဲ့ အနုပညာရှင်တွေနဲ့ ချစ်ပရိသတ်တွေရဲ့ အမှတ်တရတွေ့ဆုံပွဲကို ယနေ့ ဒီဇင်ဘာ ၇ ရက် နေ့လယ်ပိုင်းက ရန်ကုန်မြို Junction Cityရှိ J Cineplex မှာ ကျင်းပခဲ့ပါတယ်။
အဆိုပါဇာတ်ကားကြီးမှာ ပါဝင်ထားကြတဲ့အနုပညာရှင်တွေဖြစ်တဲ့ နေတိုး၊ နီနီခင်ဇော်၊ ယွန်းရွှေရည်၊ ရွှေပိုးကောင်၊ စင်သီယာ၊ အောင်ကိုမိုးတို့ တက်ရောက်ခဲ့ကြပြီး အမှတ်တရဓာတ်ပုံတွေ တွဲရိုက်ခဲ့ကြပါတယ်။
“ဒီနေ့ ပရိသတ်တွေက ဒီဇာတ်ကားလေးက မတူညီတဲ့ရသလေးတစ်ခုရိုက်ကူးပေးခဲ့လို့ ကျေးဇူးတင်ပါတယ်လို့ အဲလို စကားသံလေးတွေ နီနီတို့ကြားရတယ်။ သီချင်းတွေလည်း အများကြီး နားထောင်ရတယ်။ ဇာတ်ထဲမှာ မျောသွားတယ်ဆိုပြီးတော့ အဲလိုပြောကြလို့ နီနီတို့အရမ်းကို ဝမ်းသာပါတယ်”လို့ ရက်ဒ်ဒီရုပ်ရှင်ထုတ်လုပ်ရေး ထုတ်လုပ်သူအဆိုတော် နီနီခင်ဇော်က ပြောပါတယ်။
အိပ်မက်ကာရန် အဖွဲ့သားတွေက ရုပ်ရှင်ရုံတွေကို Junction City ရှိ J Cineplex ရုပ်ရှင်ရုံနဲ့ ဂမုန်းပွင့် (စံရိပ်ငြိမ်)ရှိ မင်္ဂလာရုပ်ရှင်ရုံတွေမှာ ပရိသတ်တွေနဲ့ တွေ့ဆုံကြတာလည်း ဖြစ်ပါတယ်။
“အိပ်မက်ကာရန်” Musical ရုပ်ရှင်ဇာတ်ကားကြီးကို လက်ရှိ နိုဝင်ဘာ ၆ ရက်နေ့ထဲက မြန်မာတစ်နိုင်ငံလုံးရှိ ရုပ်ရှင်ရုံတွေမှာ ပြသနေပြီလည်းဖြစ်ပါတယ်။
