၅.၁၂.၂၀၂၄
Written By Thandar
သရုပ်ဆောင် စည်သူမောင်နဲ့ မနော်ဇင်ပိုပိုတို့က သူတို့ရင်သွေး ဖိုးမူလေး အောင်မြင်စွာ မွေးဖွားနိုင်ခဲ့လို့ အရမ်းပျော်နေတယ်လို့ဆိုကာ အပျော်တွေ မျှဝေလာပါတယ်။
“မိန်းမက ကျွန်တော့်ရဲ့ကလေးလေးလေ။ အခု သူကနေ မွေးဖွားလာမယ့် နောက်ထပ် ပါးပါးရဲ့ ကလေးလေးကို နှစ်ဆတိုးချစ်ရမှာပေါ့။ ချစ်ခြင်းမေတ္တာကနေ ဖြစ်တည်လာတဲ့အရာလေးဆိုတော့ ပျော်တယ်။ ဖိုးမူလေး သမီးလေးလို့ မွေးပြီးမို့အရမ်းပျော်ပါတယ်” လို့ သရုပ်ဆောင် စည်သူမောင်က ပြောပါတယ်။
သူတို့က သမီးလေးကို ရိုးရိုးမမွေးဘဲ ခွဲမွေးခဲ့တာလည်းဖြစ်တယ်လို့လည်း သိရပါတယ်။ ချစ်သူသက်တမ်း ၂ နှစ်ကျော်မှာ ရွှေလက်တွဲခဲ့တာလည်းဖြစ်ပြီး ၂၀၂၃ ဇူလိုင် ၂၃ ရက်က လက်ထပ် မင်္ဂလာပွဲကို ရန်ကုန်မြို့ Novotel Hotel မှာ ခမ်းခမ်း နားနား ကျင်းပခဲ့တာလည်း ဖြစ်ပါတယ်။
