၂၅.၁၁.၂၀၂၄
Written By Thandar
Film 3H Art Production က လူတစ်ယောက်ချင်းစီရဲ့ အတ္တတွေကို ပုံဖော်ထားတဲ့ ပညာပေးဇာတ်လမ်းပုံစံ “ကိုယ့်အတ္တနဲ့ကိုယ်” ရုပ်ရှင်ဇာတ်ကားကြီး မိတ်ဆက်ကန်တော့ပွဲ အခမ်းအနားကို ယနေ့ နိုဝင်ဘာ ၂၅ ရက် နံနက် ၉ နာရီခွဲက ရန်ကုန်မြို့ ဗဟန်းမြိုန့ယ်ရှိ M3 Food Center မှာ ကျင်းပခဲ့ပါတယ်။
“အတ္တတစ်ခုက အရမ်းကျွံသွားရင် မကောင်းဘူးပေါ့။ တကယ်တော့လေ လူတိုင်းမှာ အတ္တ ကိုယ်စီရှိကြပါတယ်။ ဒီကားက တမြေ့မြေ့လောင်တဲ့ ဇာတ်လေးပါ။ အတ္တကတော့ လူတိုင်းမှာရှိကြပါတယ်။ ကောင်းတဲ့ အတ္တဆိုရင်တော့ တစ်မျိုးပေါ့။ တကယ်တော့ အတ္တနည်းတာကတော့ အကောင်းဆုံးပါပဲ။ ဒါတွေ သေသွားရင်လည်း မကောင်းဘူးလေ”လို့ သရုပ်ဆောင် အေးချမ်းမောင်က ပြောပါတယ်။
အဆိုပါ ဇာတ်ကားကို ဇာတ်လမ်း ဇာတ်ညွှန်းပိုင်းအပြင် ဒါရိုက်တာ အောင်ချမ်းလူက ရိုက်ကူးပြီး သရုပ်ဆောင်တွေဖြစ်တဲ့ ကျော်ထက်အောင်၊ အေးချမ်းမောင်၊ ညီနန္ဒ၊ ခင်ဝင့်ဝါ၊ ဇင်မျိုး၊ တင်ဇာဝင်းပြည့်၊ ခင်မို့မို့အေး၊ သာသာ၊ မြတ်အမရာ၊ ယွန်းဝတီလှိုင်၊ ကလေးသရုပ်ဆောင် ဟိန်းသီရိစံနဲ့ အနုပညာရှင်များစွာ ပါဝင်ထားကြပါတယ်။