၂၄.၁၁.၂၀၂၄
Written By Thandar
သရုပ်ဆောင် စိုင်းလွှမ်း နဲ့ သဘင်မင်းသမီး သဉ္ဇာရဲ၀င်းတို့ရဲ့ မင်္ဂလာဦးဆွမ်းကျွေးနဲ့ စတုဒိသာအလှူတော် မင်္ဂလာပွဲအခမ်းအနားကို ယနေ့ နိုဝင်ဘာ ၂၄ ရက် နံနက်ပိုင်းက ရန်ကုန်မြို့ မရမ်းကုန်းမြို့နယ် ကျိုက်ဝိုင်းအနီးရှိ ရွှေရေလယ်ကျောင်းတိုက်မှာ ကျင်းပခဲ့ပါတယ်။
“ခု နိုဝင်ဘာ ၂၇ ရက်မှာ ငွေဆောင်မှာ Dinner Part လေးကျင်းပမယ်။ ဒီဇင်ဘာ ၂၀ ရက်မှာ မန္တလေးက မိသားစုမိတ်ဆွေတွေပါ ထပ်ပြီး ပျော်ရွှင်ရအောင် နံနက်ပိုင်းဆွမ်းကပ်နဲ့ ညပိုင်းမှာ ကုက္ကိုလ်ကျွန်းမှာ Wedding Dinner စီစဉ်ပေးလို့ သားနဲ့သမီးက ကျေးဇူးအများကြီးတင်ပါတယ်မေမေ (ကိုကို့မေမေ)။ အစစအရာရာ အဘက်ဘက်က လူရောစိတ်ပါ ကူညီပေးကြသူများကိုလည်း ကျေးဇူးအထူးတင်ပါတယ်ရှင် ” လို့ သဉ္ဇာရဲဝင်းက ပရိသတ်သိအောင် Facebook က ပြောလာပါတယ်။
အဆိုပါ အခမ်းအနားကိုတော့ နာမည်ကြီး အသိုင်းအဝိုင်းက တချို့ကိုလည်း ဖိတ်ကြားပြီးတော့ ကြီးကျယ်ခမ်းနားစွာ ကျင်းပခဲ့တယ်လို့ သိရပါတယ်။
သဉ္ဇာရဲ၀င်းဟာ ဇာတ်တော်ကြီးပြိုင်ပွဲကို ၂ နှစ်ဆက်တိုက် မွန်ပြည်နယ်ကိုယ်စားပြုအနေနဲ့ ရွှေတံဆိပ် ၃ ဆုကိုရရှိထားသူလည်းဖြစ်ပါတယ်။ ဖခင် စိုင်းလွှမ်း ရဲ့ မင်္ဂလာပွဲကို သမီးလေး စစ်လွန်းဝတီထက်ကလည်း ကြည်ကြည်ဖြူဖြူနဲ့ သဘောတူခဲ့ပါတယ်။
သူတို့ နှစ်ယောက်ဟာ လာမယ့် နိုဝင်ဘာ ၂၇ ရက် ညနေပိုင်းမှာလည်း ငွေဆောင်ရှိ Chit Thu Myar Kyun Beach Wedding အပြင် လာမယ့် ဒီဇင်ဘာ ၂၀ ရက်မှာ မန္တလေးက မိသားစုမိတ်ဆွေတွေအတွက် မင်္ဂလာပွဲနဲ့ Dinner ပွဲ ဆက်လက်ကျင်းပမယ်လို့ သိရပါတယ်။