၂၄.၁၁.၂၀၂၄
Written By Thandar
ရတနာချစ်မြတ်နိုးသူတွေအတွက် “စိန်ပင်လယ်” အာမခံစိန်ရွှေရတနာဆိုင်ရဲ့ ငွေသား ကျပ်သိန်း ၅၀၀ တန်ဖိုးရှိ ကံထူးရှင်ရွေးချယ်ပွဲအခမ်းအနားကို ယနေ့ နိုဝင်ဘာ ၂၄ရက် နေ့လယ်ပိုင်းက ရန်ကုန်မြို့ Junction Square Promotion Area မှာ အနုပညာရှင်တွေနဲ့အတူ စည်ကားသိုက်မြိုက်စွာ ကျင်းပခဲ့ပါတယ်။
“ဒီနေ့ကတော့ စိန်ပင်လယ်ရဲ့ သိန်း ၅၀၀ ကံထူးရှင်ရွေးချယ်ပွဲနဲ့ စိန်အရောင်းပြပွဲလေးကို တက်ရောက်ဖြစ်တာပါ။ Live Sale ရောင်းတုန်းက ကျွန်တော် မဲနှိုက်ပေးလိုက်လို့ ပေါက်တာတော့ ကြုံဖူးတယ်။ အပြင်မှာ ကိုယ် ကံစမ်းမဲနှိုက်ပေးလို့ ကြီးကြီးမားမားမဲပေါက်တာတော့ မကြုံဖူးသေးပါဘူး။ ကံစမ်းမဲ ကံကောင်းတဲ့ အထဲမှာတော့ ပါပါတယ်။ သိပ်မကြာသေးဘူး ဆရာတော်ရဲ့ သိမ်ဖွင့်ပွဲမှာ ရွှေတစ်ကျပ်သားကံစမ်းမဲ ဖောက်ပေးဖူးခဲ့တယ်။ ကျွန်တော်က လက်ဝတ်ရတနာတွေကို အဖြူရောင်တွေပဲ ကြိုက်နှစ်သက်တယ်။ အနုပညာကြေးနဲ့ အမေနဲ့ ညီလေးကိုတော့ လက်ဝတ်ရတနာလေးတွေဝယ်ပေးဖြစ်ပါတယ်”လို့ အဆိုတော် ဖြိုးမြတ်အောင်က ပြောပါတယ်။
အဆိုပါ ကံထူးရှင်တွေ ရွေးချယ်ပွဲမှာ အနုပညာရှင်တွေဖြစ်တဲ့ အဆိုတော်ဖြိုးမြတ်အောင်၊ အိမ့်ချစ်၊ Anonimus၊ ဇေယျ၊ ပုလဲဖြူစင်ဖွေး၊ သင်္ခသူ၊ Life & Dance Dancer စတဲ့သူတွေတက်ရောက်ပြီး တေးသီချင်းတွေ သီဆိုဖျော်ဖြေခဲ့ကြပါတယ်။ ဒီဆိုင်ခွဲတွေ အားလုံးကနေ ဝယ်ယူအားပေးသူတွေ Customer တွေကို Promotion အနေနဲ့ ၂၀ ရာခိုင်နှုန်းကနေ ၃၀ ရာခိုင်နှုန်း လျှော့ဈေးတွေနဲ့ ရောင်းချပေးကြပါတယ်။