ပုံစာ။ ဘင်္ဂလားဒေ့ရှ်နိုင်ငံသား ၂၀ ကို ရခိုင်သူပုန် AA က ပြန်ပေးဆွဲတယ်လို့ နိုင်ငံတကာမီဒီယာတွေက ရေးသားဖော်ပြခဲ့မှုအချို့ တွေ့ရစဥ်။
၂၁. ၁၁. ၂၀၂၄
Written by Nay Moe
Asian News Network အပါအဝင် နိုင်ငံတကာမီဒီယာတွေမှာ ရခိုင်အကြမ်းဖက်လက်နက်ကိုင် သူပုန်အဖွဲ့ AA ဟာ ဘင်္ဂလားဒေ့ရှ်နိုင်ငံသား ၂၀ ကို ပြန်ပေးဆွဲသွားခဲ့တယ်လို့ ရေးသားဖော်ပြခံရပြီးတဲ့နောက် AA ဟာ သူဖမ်းဆီးထားတဲ့ ဘင်္ဂါလီရေလုပ်သား ၂၀ ကို ပြန်လွှတ်ပေးခဲ့ပေမဲ့ စက်လှေတွေကိုတော့ ဆက်လက်လုယက်ဖမ်းဆီးထားဆဲဖြစ်ပါတယ်။
ရခိုင်လက်နက်ကိုင် AA က ဘင်္ဂါလီ ၂၀ ကို နတ်မြစ်အတွင်း ပြန်ပေးဆွဲမှုဖြစ်စဥ်က နိုဝင်ဘာ ၅ ရက်မှာ ဖြစ်ပွားခဲ့တာဖြစ်ပြီး ဒီပြန်ပေးဆွဲမှုဖြစ်စဥ်က ဘင်္ဂလားဒေ့ရှ်ရေပိုင်နက်မှာဖြစ်ခဲ့တာလို့ ဘင်္ဂလားဒေ့ရှ်၊ မလေးရှားက မီဒီယာတွေနဲ့ MT News က ဖော်ပြခဲ့သလို ANN ကလည်း ဖော်ပြအပြီးမှာ AA ကလည်း ဖမ်းဆီးထားတဲ့ ဘင်္ဂလားဒေ့ရှ်နိုင်ငံသား ၂၀ ဟာ ငါးဖမ်းလုပ်ငန်းရှင်ပါမလာတဲ့ ဆင်းရဲသား ငါးဖမ်းသမားတွေလို့ စစ်ဆေးသိရတာကြောင့် နိုဝင်ဘာ ၇ ရက်မှာတင် ဘင်္ဂလားဒေ့ရှ်အာဏာပိုင်တွေဆီ ပြန်ပေးဆွဲခံ ဘင်္ဂလားဒေ့ရှ်နိုင်ငံသား ၂၀ ကို ပြန်လွှဲပေးခဲ့ပေမဲ့ မနေ့က နိုဝင်ဘာ ၂၀ ရက်ညကြမှ သတင်းထုတ်ပြန်လာတာပါ။
ရခိုင်လက်နက်ကိုင် AA ဟာ ဒီဖြစ်စဥ်မှာ ဘင်္ဂလားဒေ့ရှ်နိုင်ငံသားတွေက ငါးခိုးဖမ်းတာလို့ အကြောင်းပြခဲ့သလို ဘင်္ဂါလီတွေဆီက ဖမ်းဆီးထားတဲ့ ငါးဖမ်းလှေ ၁၅ စီးကိုလည်း စစ်ရေးအကြောင်းပြချက်နဲ့ ဆက်ဖမ်းထားပြီး နိုဝင်ဘာ ၂၀ ရက်မှာမှ ၇ စီးကို လွှဲပြောင်းပေးပေမဲ့ ၈ စီးကိုတော့ ဆက်လက်လုယက်သိမ်းဆည်းထားတာပါ။
ပုံစာ။ ဘင်္ဂလားဒေ့ရှ်နိုင်ငံသား ၂၀ ကို ရခိုင်သူပုန် AA က ပြန်ပေးဆွဲတယ်လို့ နိုင်ငံတကာမီဒီယာတွေက ရေးသားဖော်ပြခဲ့မှုအချို့ တွေ့ရစဥ်။
