၂၀.၁၁.၂၀၂၄
Written By Thandar
ထိတ်လန့် ခြောက်ခြားဖွယ် ဇာတ်လမ်းပုံစံ “အတ္တလွန်” ဇာတ်ကား Press Show ပွဲကို ယနေ့ နိုဝင်ဘာ ၂၀ ရက် နေ့လယ်ပိုင်းက ရန်ကုန်မြို့ Kamtharyar Shopping Center ရှိ Rangoon Cineplex မှာ ကျင်းပခဲ့ပါတယ်။
“ဒီဇာတ်ကားက မိသားစုဇာတ်လမ်းကို ထိတ်လန့်ခြောက်လှန့်မှုတွေကို ရင်သပ်ကြည့်ရှုရမယ့် Horror ဇာတ်လမ်းလေးတစ်ပုဒ်ပါ။ အတ္တကို ရှေ့တန်းတင်သူတစ်ယောက်ကြောင့် မိသားစုဘဝလေးတစ်ခု အမှားအယွင်းများခဲ့ရပြီး ထိတ်လန့်ခြောက်ခြားဖွယ် ဖြစ်ရပ်တွေနဲ့ ကြုံတွေ့လာရတာတွေကို ပုံဖော်ပြီး ဒါရိုက်တာက အကောင်းဆုံးဖန်တီးထားတာပါ”လို့ သရုပ်ဆောင်တင်မောင်ဆန်းမင်းဝင်းက ပြောပါတယ်။
ဒီဇာတ်လမ်း၊ ဇာတ်ညွှန်းပိုင်းအပြင် ဒါရိုက်တာ အဂ္ဂမာန်က သရုပ်ဆောင် အကယ်ဒမီ ထွန်းထွန်း၊ တင်မောင်ဆန်းမင်းဝင်း၊ ရတနာဗိုလ်၊ ဖူးစုံ၊ ရဲရင့်မောင်မောင်၊ အေးသန္တာဗို၊ ထက်ယမင်းအိမ်၊ ဘဂျမ်း၊ မျိုးကြည် စတဲ့သူတွေနဲ့ ရိုက်ကူးထားပြီး အပိုင်း ၁၆ ပိုင်းစာ ပါဝင်မှာဖြစ်ပါတယ်။
“အတ္တလွန်” ဇာတ်ကားကို နိုဝင်ဘာ ၂၅ ရက် ည ၈ နာရီကစတင်ပြီး တနင်္လာနေ့ကနေ သောကြာနေ့အထိ Fortune TV ရုပ်သံလိုင်းမှာပြသမှာဖြစ်ပြီးတော့ ပြန်လည်ပြသချိန်ကိုတော့ တနင်္လာနေ့ကနေ သောကြာနေ့အထိ နံနက် ၁၀ နာရီခွဲနဲ့ နေ့လည် ၃ နာရီခွဲတို့မှာ ထုတ်လွှင့်ပြသမယ်လို့ သိရပါတယ်။
