၂၀.၁၁.၂၀၂၄
Written By Thandar
ဂီလမ်းကြောင်းအပြင် သရုပ်ဆောင်ပိုင်းမှာလည်း ပရိသတ်တွေ ချစ်ခင်မှုကို ရရှိထားတဲ့ သရုပ်ဆောင်လွှမ်းပိုင်က “သစ္စာမဲ့ကြောင်း ထင်ရှားပါသဖြင့်” ဇာတ်လမ်းတွဲမှာ အိမ်ထောင်သည်အမျိုးသား ကောင်းခန့် ကာရိုက်တာကို ရင်ထဲ ခံစားရလို့ လက်ခံရိုက်ကူးထားတယ်လို့ ဆိုပါတယ်။
“ကျွန်တော်က ဒီဇာတ်လမ်းတွဲထဲမှာက ကောင်းခန့်ဆိုတဲ့ ကာရိုက်တာနဲ့ပါဝင်ထားပါတယ်။ ကောင်းခန့်ကတော့ အိမ်ထောင်သည် အမျိုးသားကိုမှ မနဲ့မောင်ဇာတ်လေးပါ။ ကိုယ်က အိမ်ထောင်ဦးစီးတစ်ယောက်လည်း ဖြစ်တယ်။ ဇာတ်လမ်းလေးကို ဖတ်လိုက်ချိန်မှာ ရင်ထဲမှာ ခံစားရတယ်။ ဒီကာရိုက်တာရဲ့ စိတ်ကတော့ တစ်ခါတလေမှာ မထင်မှတ်ထားတာလေးဆိုတော့။ ဒီဇာတ်ကို သဘောကျလို့ရိုက်ဖြစ်ခဲ့တာပါ။ သရုပ်ဆောင်တွေ အကုန်လုံး မြိုင်မြိုင်ဆိုင်ဆိုင်နဲ့ လုပ်ဆောင်ကွက် တော်တော်ရကြပါတယ်။ မကြာခင် ထုတ်လွှင့်ရင်လည်း ပရိသတ်တွေ အားပေးကြဦးလို ပြောချင်ပါတယ်”လို အဆိုတော် သရုပ်ဆောင် လွှမ်းပိုင်က ပြောပါတယ်။
ဒီဇာတ်လမ်းတွဲကို ဇာတ်လမ်း၊ ဇာတ်ညွှန်း သက်ဦးမောင်ကရေးသားပြီးတော့ ဒါရိုက်တာ ပွင့်သိင်္ဂီဇော်က သရုပ်ဆောင်တွေဖြစ်တဲ့ လွှမ်းပိုင်၊ တေဇလင်းရောင်၊ အိချောပို၊ ခြူးလေး၊ ယွန်းယွန်း၊ ခြူးစစ်ဟန်၊ ဟိန်းသစ်စ၊ ချိုမဒီသွင်၊ ခွန်းည စတဲ့သူတွေနဲ့ ရိုက်ကူးပါဝင်ထားကြပါတယ်။
ပရိသတ်တွေ စိတ်ဝင်စားစရာ ဇာတ်လေးတွေ တင်ဆက်ပေးလေ့ရှိတဲ့ Mahar Application က မကြာခင် ထုတ်လွှင့်မယ့် အပိုင်း ၂၀ ပါဝင်တဲ့ “သစ္စာမဲ့ကြောင်း ထင်ရှားပါသဖြင့်” ဇာတ်လမ်းတွဲသစ်ကို အပတ်စဥ် တနင်္လာ၊ ဗုဒ္ဓဟူး၊ သောကြာ၊ စနေနဲ့ တနင်္ဂနွေနေ့တွေရဲ့ ည ၇ နာရီတိုင်းမှာ ပြသမှာလည်း ဖြစ်ပါတယ်။
