၁၄. ၁၁. ၂၀၂၄
Written by Nay Moe
ရုပ်ရှင်သရုပ်ဆောင် အကယ်ဒမီများရှင် ရန်အောင်ရဲ့ နေအိမ်ကို ဒီနေ့လယ်မှာ ဗုံးခွဲလိုက်တယ်လို့ Dark Shadow PDF အဖွဲ့က ဝန်ခံ ထုတ်ပြန်လာပါတယ်။
လက်နက်မဲ့ အနုပညာရှင် ရန်အောင်ရဲ့ နေအိမ်ကို Dark Shadow အဖွဲ့က ဒီနေ့လယ် ၁၂ နာရီ ၄၅ မိနစ်အချိန်မှာ သွားရောက်ပြီး ဗုံးခွဲခဲ့တာလို့ ထုတ်ပြန်ထားပြီး ရန်ကင်းမြို့နယ်၊ ဘောက်ထော်၊ မြရတနာလမ်းနေ ရန်အောင်နေအိမ် ကို တိုက်ခိုက်ရာမှာတော့ ပြင်းအားပျော့မိုင်းအသုံးပြုပြီး သတိပေးဖောက်ခွဲတိုက်ခိုက်ခဲ့တယ်ပြောပါတယ်။
ရန်အောင်ဟာ တပ် ထောက်ခံအားပေးနေတဲ့ အနုပညာရှင်ဖြစ်ကြောင်း သတင်းနဲ့ Social media ပေါ် ထင်ရှားစွာမြင်တွေ့နေရတာကြောင့် ပထမဆုံးအကြိမ် သတိပေးတဲ့အနေနဲ့ရန်အောင်ရဲ့ နေအိမ်ကို ပြင်းအားပျော့မိုင်းအသုံးပြု သတိပေးတိုက်ခိုက်ခဲ့တာဖြစ်ပြီး ရန်အောင်နည်းတူ ကျန်တဲ့ တပ်မတော်ထောက်ခံသူ အနုပညာရှင်တွေလည်း သတိပေးတယ်လို့ Dark Shadow က ထုတ်ပြန်ပါတယ်။