၅ . ၁ .၂၀၂၃
Written By Thandar
အသံဆွဲအားကောင်းကောင်းနဲ့ တေးသီချင်းအသံချိုချိုလေးတွေကြောင့် ပရိသတ်ချစ်ခင်အားပေးမှုကို ရရှိခဲ့တဲ့ Myanmar Idol Season (4) ရဲ့ Winner ဆုရှင် အဆိုတော်အက်စတာဒေါ့ရ်ချင်းဆုန်နဲ့ Bawi Tha Thawng တို့ရဲ့ လက်ထပ်မင်္ဂလာပွဲကို ဇန်နဝါရီ ၄ ရက်တုန်းက Lotte Hotel မှာ ကျင်းခဲ့ပါတယ်။
“Congratulations ပါလို့ Bawi Tha + Esther Dawt Chin Sung ။ ချစ်ရတဲ့ Bawi Tha နဲ့ ညီမလေး အက်စသာတို့ရဲ့ မင်္ဂလာပွဲလေးမှာ ပါဝင်ခွင့်ရလို့ အထူးဝမ်းမြောက်ဂုဏ်ယူမိပါတယ်။ Special Song အနေနဲ့ သီဆိုဖို့ ဖိတ်ကြားလို့လည်း ကျေးဇူးတင်ပါတယ်။ မင်္ဂလာနေ့လေးမှစလို့ သက်ထက်ဆုံးတိုင် ပျော်ရွှင်စွာ ရွှေလက်တွဲလို့ မိသားစုဘဝလေး ပိုင်ဆိုင်နိုင်ပါစေလို့ ဆုတောင်းပေးပါတယ်”လို့ တေးရေးစံပီးက ဂုဏ်ပြုစကား ပြောပါတယ်။
၇၅ နှစ်မြောက် စိန်ရတု လွတ်လပ်ရေးနေ့ ညနေ ၄ နာရီက ရန်ကုန်မြို့ Lotte Hotel မှာ ချစ်သူဖြစ်တဲ့ Bawi Tha Thawng နဲ့ ရွှေလက်တွဲခဲ့ကြတာလည်း ဖြစ်ပြီး မင်္ဂလာပွဲ အခမ်းအနားကိုတော့ အဆိုတော် မျိုးကြီးအပါအဝင် တိုင်းရင်းသားမောင်နှမတွေနဲ့ အနုပညာအသိုင်းအဝိုင်းကသူတချို့ တက်ရောက် ဂုဏ်ပြုပေးခဲ့ကြတယ်လို့ သိရပါတယ်။
အက်စတာဒေါ့ချင်းဆုန်ဟာ ပြိုင်ပွဲပြီးတဲ့နောက်မှာလည်း အနုပညာ အလုပ်တွေကို တောက်လျှောက် လုပ်ကိုင်ခဲ့ပြီး ပြီးခဲ့တဲ့ရက်ပိုင်းကလည်း တောင်ကိုးရီးယားနိုင်ငံမှာ သွားရောက်ဖျော်ဖြေပေးပြီး ပြန်လာခဲ့တာလည်း ဖြစ်ပါတယ်။
Photo- Crd , Sangpi
