၆.၁၁.၂၀၂၄
Written By Thandar
ဂီတလမ်းကြောင်းပေါ်မှာ အသံအားကောင်းကောင်းအပြင် Dance တွေနဲ့ တင်ဆက်တတ်တဲ့ အဆိုတော် နီနီခင်ဇော်ရဲ့ Baby သမီးလေး Gender Reveal ကြိုဆိုပွဲလေးကို အနုပညာရှင်တွေ တက်ရောက်ခဲ့ပါတယ်။
“အရမ်း ရင်ခုန်ရတဲ့ Gender Reveal ပွဲလေးပါ။ ချစ်ရတဲ့သူတွေနဲ့ သားသားလား မီးမီးလား သိခွင့်ရတဲ့ ညနေလေးပါ။ ပွဲလေး စီစဉ်အကုန်အကျခံပေးတဲ့ တီတီ Mi Sandi Min Nyan၊ ယောကျာ်းအနားမရှိလို့ အလိုလိုက်ပေး၊ တူတူရှိပေးခဲ့ကြတဲ့ သူငယ်ချင်း အကို၊ အမ တစ်ယောက်ချင်းစီကိုကျေးဇူးတင်ပါတယ်။ နောက်လည်း ကလေးထိန်းပေးကြပါ”လို့ အဆိုတော် နီနီခင်ဇော်က ပြောလာပါတယ်။
အဆိုပါ ပွဲလေးကိုတော့ အနုပညာအသိုင်းအဝိုင်းဖြစ်တဲ့ ဒါရိုက်တာ အကယ်ဒမီ ဝင်းလွင်ထက်တို့ ဇနီးမောင်နှံ၊ အဆိုတော် အောင်ထက်၊ မိစန္ဒီ၊ ဂျူဝယ်၊ Makeup Artist သရုပ်ဆောင် ထက်ထက်(Pop Soul)၊ ဒီဇိုင်နာ မပုံ့ စတဲ့သူတွေ တက်ရောက် ဂုဏ်ပြုခဲ့ကြပါတယ်။ အဆိုတော် နီနီခင်ဇော်ကတော့ ရေမြေခြားသွားနေတဲ့ ခင်ပွန်းကို Video Call နဲ့ Surprise အနေနဲ့ Projector ကတစ်ဆင့် နှုတ်ဆက်အနမ်းတွေ ပေးခဲ့ကြပါတယ်။
