၄.၁၁.၂၀၂၄
Written By Thandar
မယ်စကြာဝဠာအလှမယ် ပြိုင်ပွဲတစ်ခုဖြစ်တဲ့ Miss Universe 2024 ရဲ့ Second Hot Picks ဖြစ်နေတဲ့ အလှမယ်အယောက် ၃၀ စာရင်းထဲမှာ မြန်မာနိုင်ငံကိုယ်စားပြုအလှမယ် Miss Universe Myanmar 2024 သက်စံအန်ဒါဆန်က No.20 နေရာမှာပါဝင်လာပါတယ်။
လက်ရှိမှာ မက္ကဆီကိုနိုင်ငံက အိမ်ရှင်အနေနဲ့ ကျင်းပနေတဲ့ Miss Universe 2024 အတွက် ဒုတိယမြောက် Hot Picks စာရင်းတွေကို ဖော်ပြလာတာလည်းဖြစ်ပါတယ်။ အဆိုပါ အလှမယ်ပြိုင်ပွဲရဲ့ နံပါတ် ၁ နေရာမှာတော့ Puerto Rico နိုင်ငံက အလှမယ် Jennifer Colon က ထိပ်ဆုံးက ဦးဆောင်နေပါတယ်။ နံပါတ် ၂ နေရာမှာ နိုင်ဂျီးရီးယားနိုင်ငံက အလှမယ် Chidimma Adetshina၊ နံပါတ် ၃ နေရာမှာ ထိုင်းနိုင်ငံက အလှမယ် Suchata Chuangsri နဲ့ ပါရာဂွေးနိုင်ငံက အလှမယ် Naomi Méndez က လက်ရှိ စတုတ္ထနေရာမှာ ရပ်တည်နေကြပါတယ်။
ဒါ့အပြင်ဖင်လန်နိုင်ငံက အလှမယ် Matilda Wirtavuori၊ ပြင်သစ်နိုင်ငံက အလှမယ် Indira Ampiot၊ အီကွေဒေါနိုင်ငံက အလှမယ် Mara Topíc၊ မလေးရှားနိုင်ငံက အလှမယ် Sandra Lim၊ ဗင်နီဇွဲလားနိုင်ငံက အလှမယ် Ileana Marquez၊ ပီရူးနိုင်ငံက Tatiana Calmell၊ မက္ကဆီကိုနိုင်ငံက အလှမယ် María Fernanda Beltrán၊ ဇင်ဘာဘွေနိုင်ငံက အလှမယ် Sakhile Dube၊ ချီလီနိုင်ငံက အလှမယ် Emilia Dides၊ အိန္ဒိယနိုင်ငံက အလှမယ် Rhea Singha၊ ဘရာဇီးနိုင်ငံက အလှမယ် Luana Cavalcante၊ ဒိုမီနီကန်သမ္မတနိုင်ငံက အလှမယ် Celinee Santos ၊ စပိန်နိုင်ငံက အလှမယ် Michelle Jimenez ၊ ဖိလစ်ပိုင်နိုင်ငံက အလှမယ် Chelsea Manalo၊ ရိုမေးနီးယားနိုင်ငံက အလှမယ် Loredana Salanță၊ မြန်မာနိုင်ငံက အလှမယ် သက်စံအန်ဒါဆန်၊ အယ်လ်ဘေးနီးယားနိုင်ငံက အလှမယ် Franceska Rustem၊ ကိုလံဘီယာနိုင်ငံက အလှမယ် Daniela Toloza၊ ပေါ်တူဂီနိုင်ငံက အလှမယ် Andreia Correia၊ ဘာရိန်းနိုင်ငံက အလှမယ် Shereen Ahmed၊ ကမ္ဘောဒီးယားနိုင်ငံက အလှမယ် Davin Prasath၊ US Virgin Islands နိုင်ငံက အလှမယ် Stephany Andujar၊ ဆလိုဗက်ကီးယားနိုင်ငံက အလှမယ် Petra Sivakova၊ ရုရှားနိုင်ငံက အလှမယ် Valentina Alekseeva၊ အက်စ်တိုးနီးယားနိုင်ငံက အလှမယ် Valeria Vasilieva၊ ဂျမေကာနိုင်ငံက အလှမယ် Rachel Silvera တို့က အယောက် ၃၀ စာရင်းမှာ ပါဝင်ခဲ့ကြပါတယ်။
နိုဝင်ဘာ ၁၆ ရက်မှာ မက္ကဆီကိုနိုင်ငံမှာ ကျင်းပမယ့် ၇၃ ကြိမ်မြောက် Miss Universe 2024 ပြိုင်ပွဲမှာ နိုင်ငံတကာက အလှမယ်တွေနဲ့အတူ ရင်ပေါင်တန်းပြီး မြန်မာနိုင်ငံကိုယ်စားပြု အလှမယ် သက်စံအန်ဒါဆန် ဝင်ရောက်ယှဉ်ပြိုင်ရမှာလည်းဖြစ်ပါတယ်။
