၄..၁၁. ၂၀၂၄
Written by Nay Moe
ရှမ်းပြည်နယ်၊ ပအိုဝ်းကိုယ်ပိုင်အုပ်ချုပ်ခွင့်ရဒေသ ဟိုပုံးမြို့က သီရိမင်္ဂလာရွှေချမ်းသာ မွေတော်ဘုရား အခုညမှာ မီးလောင်မှုဖြစ်ပွားနေတယ်လို့ ကနဦးသိရပါတယ်။
ဒီ မွေတော်ဘုရားမီးလောင်မှုက အခု နိုဝင်ဘာ ၄ ရက်ကူးစ ညသန်းခေါင်ကျော်အချိန်မှာ စတင်လောင်ခဲ့တာဖြစ်ပြီး ဘုရားစောင်းတန်းကနေ မီးစလောင်ခဲ့တာပါ။
ရန်ကုန်မြို့က ပရဟိတသမားတစ်ဦးသုံးစွဲနေတဲ့ သန်းမင်းကြွယ်အကောင့်ပိုင်ရှင်ကလည်း မွေတော်ဘုရားမီးလောင်မှုဖြစ်စဥ်ကို Live လွှင်နေတာ တွေ့မြင်ရပြီး လက်ရှိအချိန်မှာတော့ မီးသတ်ဦးစီးဌာနက ငြှိမ်းသတ်မှုကြောင့် မီးငြိမ်းသွားပြီလို့ သိရပေမဲ့ ဘာကြောင့်မီးလောင်မှုဖြစ်ရတာလဲဆိုတာနဲ့ ပျက်စီးဆုံးရှုံးမှုအခြေအနေတွေကိုတော့ မသိရှိရသေးတာကြောင့် MT News က အတည်ပြုသိရရင် ဆက်လက်ဖော်ပြပေးပါမယ်။
