၂၉.၁၀.၂၀၂၄
Written By Thandar
ရို့မန်ဇာတ်လမ်းပုံစံ “မြွက်ကြားဖွင့်ဆို ချစ်ခွန်းချို” ရုပ်ရှင်ဇာတ်ကားကြီး ကန်တော့ပွဲပေးအခမ်းအနားကို ယနေ့ အောက်တိုဘာ ၂၉ ရက် နံနက် ၈ နာရီက ရန်ကုန်မြို့ သင်္ဃန်းကျွန်းမြို့နယ်ရှိ ကျိုက္ကဆံဘုရားအောင်မြေမှာ ပြုလုပ်ခဲ့ပါတယ်။
“ဝေလာ့ကို ယုံကြည်စွာခေါ်ပေးတဲ့ ဆရာဟိန်းစိုးကိုလည်းကျေးဇူးတင်ပါတယ်။ ဝေလာ့ရဲ့ ပထမဆုံးအကြိမ် Leading Role အနေနဲ့ သရုပ်ဆောင်ရမယ့် ရုပ်ရှင်ဇာတ်ကားကြီးပါ။ ဒီဇာတ်ကားမှာ ဝေလာက Wedding Planer Service ပေးမယ့် ကောင်မလေးပေါ့။ ဒီဇာတ်လေးမှာ ရို့မန်ဆန်ဆန်လေးတွေလည်းပါတော့ ကိုယ်တိုင်လည်း လုပ်ကြည့်ချင်တယ်။ ဝေလာ့အနေနဲ့ ဘယ်ကာရိုက်တာပဲလာလာ ဒီကာရိုက်တာတွေအပေါ် သစ္စာရှိစွာ ကြိုးစားသွားပါ့မယ်လို့ ပြောချင်ပါတယ်”လို့ သရုပ်ဆောင်ဝေလာရီက ပြောပါတယ်။
ခါတော်မှီရုပ်ရှင်ထုတ်လုပ်ရေးက ဇာတ်လမ်း မေမိုး၊ ဇာတ်ညွှန်း မေမိုးနဲ့ Morrow တို့က ရေးသားပေးထားပြီး ဒါရိုက်တာ ဟိန်းစိုးက သရုပ်ဆောင် ညိမ်းသော်၊ ဒိုက်၊ ဝေလာရီ၊ သံစဉ်ဆည်းဆာ၊ ဟိန်းဖြိုး၊ ဘုန်းမြတ်၊ သတိုးအောင်၊ ဇာမဏီ၊ အိမ့်မှူးကေသွယ်၊ အေသရီချို၊ သရဖီမောင်၊ ဆုပြည့်အောင်၊ အိမွန်စံ၊ ဂျုးထက်ထက်အောင်၊ အနုပညာနှလုံးအိမ်သင်တန်းက ကျောင်းသား/ကျောင်းသူတွေအပြင် အနုပညာရှင်များစွာနဲ့ ရိုက်ကူးမှာဖြစ်ပါတယ်။
