၁၄.၁၀.၂၀၂၄
Written by KL
ရန်ကုန်တိုင်းဒေသကြီး၊ စမ်းချောင်းမြို့နယ်၊ မြေနီကုန်း (တောင်)ရပ်ကွက်၊ ပန်းခြံလမ်းရှိ ၂ ခန်းတွဲ ၇ ထပ်တိုက်လွှာ ညာဘက်အခြမ်းရှိ တိုက်ခန်းတွင် အောက်တိုဘာ ၁၄ ရက် နံနက်၂ နာရီကျော်က Aircon Safeguard အပူလွန်ကဲရာမှ မီးလောင်မှုဖြစ်ပွားခဲ့ကြောင်း သိရသည်။
အဆိုပါတိုက်ခန်းရှိ အိပ်ခန်းတွင် Aircon Safeguard အပူလွန်ကဲရာမှ အောက်ရှိ စာအုပ်ပုံပေါ်ကျရာက မီးစတင် လောင်ကျွမ်းခဲ့ခြင်း ဖြစ်ကြောင်း စစ်ဆေးသူများထံမှ သိရသည်။
မီးလောင်မှုမှာ ၁၀ မိနစ်ခန့် ကြာမြင့်ခဲ့ပြီး Aircon Indoor ၁ လုံး၊ Safeguard ၁ လုံး၊ ကုတင်ကြမ်းခင်း၊ စာအုပ်တို့ မီးလောင်ဆုံးရှုံးခဲ့သဖြင့် အသက် ၂၄ နှစ်အရွယ် လူငယ်အမျိုးသားကို စမ်းချောင်းမြို့မရဲစခန်းက ရာဇသတ်ကြီးပုဒ်မ ၂၈၅ ဖြင့် အမှုဖွင့်ကာ စစ်ဆေးနေကြောင်း သိရသည်။
တိုက်ခန်းမီးလောင်မှုကို မီးငြှိမ်းသတ်ယာဥ် ၁ စီး၊ ရေသယ်ယာဥ် ၁ စီးနှင့်သန္ဓေအရန်မီးသတ် ၂၀ ကျော်ဖြင့် မီးငြှိမ်းသတ်ခဲ့သည်။
