၂၈.၉.၂၀၂၄
Written by KL
ရန်ကုန်တိုင်းဒေသကြီး၊ ဒဂုံမြို့သစ်(ဆိပ်ကမ်း)မြို့နယ်၊ (၉၈) ရပ်ကွက်၊ မက္ခရာမင်းသားကြီးလမ်း၊ စက်မှုဇုန်(၂)တွင် စက်တင်ဘာ ၂၇ ရက် မွန်းလွဲပိုင်းက ဖြစ်ပွားခဲ့သော မဟာလင်းထက် အိမ်ဆောက်ပစ္စည်းစက်ရုံမီးလောင်မှုမှာ ကော်ချောင်းအမှုန့်ကြိတ်စက်မော်တာ အပူလွန်ကဲရာမှ မီးလောင်မှုဖြစ်ပွားခဲ့ခြင်းဖြစ်ကြောင်း စစ်ဆေးသူများထံမှ သိရသည်။
မီးလောင်မှုမှာ အလျား ပေ ၃၀၀၊ အနံ ပေ ၃၀၀ရှိသော မဟာလင်းထက် အိမ်ဆောက်ပစ္စည်းစက်ရုံ Streel Structure ၁ ထပ် အဆောက်အအုံ၌ ကော်ချောင်း အမှုန့်ကြိတ်စက်ခန်းတွင် ဖြစ်ပွားခဲ့ခြင်းဖြစ်ပြီး Level 1 အဆင့် ခေါ်ယူငြှိမ်းသတ်ခဲ့ရသည်။
မီးလောင်မှုမှာ မိနစ် ၃၀ နီးပါးကြာမြင့်ခဲ့ပြီး ကော်ချောင်းကြိတ်စက်နှင့် ကော်ချောင်းများ မီးလောင်ဆုံးရှုံးခဲ့သဖြင့် စက်ရုံအလုပ်သမား အသက် ၁၉ နှစ်အရွယ် ကိုမိုးသက်အောင်ကို ဒဂုံမြို့သစ်(ဆိပ်ကမ်း) မြို့မရဲစခန်းက ရာဇသတ်ကြီးပုဒ်မ ၂၈၅ ဖြင့် အမှုဖွင့်ထားကြောင်း သိရသည်။
