၂၃.၉.၂၀၂၄
Written by TZ
ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့၊ အရှေ့ဖိုးခေါင်ရွာတွင် နေထိုင်သည့် အမျိုးသားတစ်ဦး နေအိမ်ထဲ၌ မိမိကိုယ်ကိုယ် ကြိုးဆွဲချ(ဆွဲကြိုးချ) ၍ အဆုံးစီရင်ခဲ့ကြောင်း သိရသည်။
ယနေ့စက်တင်ဘာလ ၂၃ ရက် နေ့လယ် ၁၂ နာရီဝန်းကျင်တွင် အမျိုးသားတစ်ဦး ကြိုးဆွဲချ၍သေဆုံးကြောင်း ဒေသခံ ပရဟိတနာရေးကူညီမှုအသင်းတစ်သင်းသို့ ဖုန်းဆက် အကူအညီတောင်း အကြောင်းကြားသောကြောင့် ဖြစ်စဥ်နေရာသို့ သွားရောက်ခဲ့ကူညီခဲ့ကြောင်း သိရသည်။
“အုပ်ချုပ်ရေးမှူးဖုန်းဆက်လို့သွားသယ်တာ။ သူ့မှာ ဘာကိစ္စရှိလို့ ကြိုးဆွဲချလဲတော့မသိဘူး”ဟု ဒေသခံ ပရဟိတနာရေးကူညီမှုအသင်းမှ တာဝန်ရှိသူတစ်ဦးက MT News သို့ ဖြေကြားသည်။
ကြိုးဆွဲချ၍ သေဆုံးသည့်အမျိုးသားမှာ အသက် ( ၄၁) နှစ်အရွယ်ရှိပြီး ရုပ်အလောင်းကို ရွှေတောင်မြို့ပြည်သူ့ဆေးရုံသို့ ပို့ဆောင်လိုက်ကြောင်း သိရသည်။ (Photo – Win Zaw)
